A Xunta e o Concello de Sanxenxo falarán o luns da rexeneración da praia da Carabuxeira
Por Oskar Viéitez
Este luns 16 de decembro volverán reunir en Sanxenxo, representantes de Portos de Galicia, da Delegación de Costas e do Concello para tratar de avanzar no proxecto de rexeneración da praia da Carabuxeira.
O proxecto, valorado en 1.929.914 euros, está a someterse á avaliación medio ambiental da Dirección Xeral de Calidade Ambiental e Cambio Climático da Xunta de Galicia.
O Concello remitiu en setembro o proxecto coas correccións que solicitara a Dirección Xeral de Costas, da Xunta de Galicia.
Inclúe unha achega de 24.500 metros cúbicos de area, a construción de diques para evitar que as correntes volvan levar a area e a mellora da fachada marítima coa construción dun paseo marítimo de 360 metros.
Recentemente Nauta contratou por 7.000 euros un estudo para saber se a area que perdeu a praia atópase enfronte da mesma e se sería posible a súa recuperación.
Mentres tanto un grupo de veciños de Sanxenxo constituíu unha Plataforma para impulsar a recuperación da praia da Carabuxeira e leva reunidas máis de tres sinaturas en apoio a esta iniciativa.