A Xunta somete a información pública a reforma da PO-308 entre Fontenla e Combarro
Por Redacción
A Consellería de Infraestruturas e Mobilidade publica este mércores no Diario Oficial de Galicia o anuncio polo que se somete á información pública o proxecto de mellora de seguridade viaria do treito da PO-308 entre Fontenla e Combarro, no concello de Poio, así como a relación individual de bens, dereitos e propietarios afectados.
Este proxecto é complementario ao da senda proxectada entre Fontenla e Combarro, seguíndose así un procedemento análogo ao utilizado no seu día para complementar con melloras de seguridade viaria á senda entre O Covelo e Raxó, a día de hoxe nun moi avanzado estado de execución.
Esta actuación da Consellería de Infraestruturas e Mobilidade suporá un investimento de 625.000 euros
As intervencións propostas no proxecto prevén a mellora das interseccións, reducir o número de xiros á esquerda e novos pasos de peóns para acadar unha diminución da velocidade nesa zona.
Entre as actuacións neste tramo destaca a execución de dúas novas glorietas, unha delas de acceso á Seca.
Relacionadas:
-
Poio pide á Xunta unha nova rotonda no núcleo de Combarro
Por Redacción |
-
A Xunta analiza cos veciños de Chancelas a instalación dun paso de peóns na PO-308
Por Oskar Viéitez |
-
Poio insiste en solicitar á Xunta que execute o proxecto do vial do Vao
Por Oskar Viéitez |
-
Dúas rotondas e pasos de peóns, propostas da Xunta para mellorar a seguridade na PO-308
Por Redacción |