Conta atrás para 'As Nadaladas do Teucro', que terán 32 postos
Por Redacción
Unha carpa está xa instalada na praza do Teucro de Pontevedra e no interior avanza a montaxe dos 32 stands que este ano formarán parte da XIV edición da feira de artesanía e agasallo Pontenadal, bautizada nos últimos anos como 'As Nadaladas do Teucro.
A concelleira de Promoción Económica e Turismo, Yoya Blanco, e o presidente de Centro Comercial Urbano Zona Monumental (CCU), Miguel Lago, achegáronse este sábado ata a praza do Teucro para supervisar os traballos de montaxe dos postos.
A carpa abrirá as súas portas ao público entre o 20 de decembro e o 5 de xaneiro en horario de 11.00 a 14.00 horas e de 17.00 a 21.30 horas. Tan só pechará os días de Nadal e Ano Novo.
Pontenadal contará nesta edición cun total de 32 stands, nos que os cidadáns poderán atopar os agasallos máis orixinais: coiro, pel, cerámica, pintura, téxtil, prata, produtos apícolas, complementos, xoguetes de madeira, artesanía en olivo, cervexa artesá, arte en cristal, e un sen fin de obsequios para este Nadal.
Yoya Blanco destaca que ao igual que en anteriores edicións, contarase coa participación de varias ONGD como a Asociación Alba, Amencer e Solidariedade Internacional.
O número de stands é semellante ao de edicións anteriores, quedando expositores na lista de reserva, o que é outra proba máis do éxito desta feira. Todos os expositores son da provincia de Pontevedra, de municipios como a propia capital, Poio, Vigo, Cangas, Bueu, Marín, O Grove, Ponte Caldelas, A Coruña, Lugo e Ourense.
Relacionadas:
-
As 'nadaladas' encherán de cor a Praza do Teucro ata a noite de Reis
Por Redacción |
-
Campaña municipal para evitar os agasallos sexistas
Por Oskar Viéitez |
-
Os Chichisos buscan xente para cantar "os Reis"
Por Redacción |
-
A Zona Monumental prepara unha completa programación de Nadal
Por Oskar Viéitez |
-
Catro árbores, dúas bólas xigantes e "máis luces": así será a iluminación do Nadal da Boa Vila
Por Diego Espiño |
-
Para agasallos orixinais, as 'Nadaladas' do Teucro
Por Redacción & Diego Torrado |