Os Chichisos buscan xente para cantar "os Reis"
Por Redacción
Unha tradición habitual nas festas de Nadal en Galicia era ir cantar polas casas. Nestes tempos o costume mudou e agora cántase nas rúas e prazas, grazas ao empeño da asociación cultural Os Chichisos que teima en manter coma un "tesouro" este "patrimonio cultural".
As persoas que se animen a participar nos "Cantos de Reis" estarán acompañados de diversos instrumentos como acordeón, gaita, frautas, guitarra, tamboril, bombo, e tamén por un grupo de nenos.
Para que a cousa soe ben teñen programados uns días de ensaio, o 26, 27 e 28 de decembro e 2 e 3 de xaneiro, sempre ás 20:00 horas e na Casa do Pobo de Bértola, no concello de Vilaboa.
Os "Cantos de Reis" desenvolveranse o día 4 de xaneiro de 17:30 a 20 horas polas prazas e rúas de Pontevedra.
As persoas que desexen participar desta tradición poden poñerse en contacto cos Chichisos chamando ao teléfono 676 842 942.
Relacionadas:
-
Os Cantos de Reis volven soar polas rúas de Pontevedra
Por Redacción |
-
As 'nadaladas' encherán de cor a Praza do Teucro ata a noite de Reis
Por Redacción |
-
O espírito do Nadal chega á praza de abastos
Por Redacción |
-
Unha árbore 'palleira' moi solidaria
Por Redacción & Diego Torrado |
-
Conta atrás para "As Nadaladas do Teucro', que terán 32 postos
Por Redacción |