15 empresas optan ás obras de humanización da Avenida de Ourense
Por Redacción
O proxecto de humanización e mellora da Avenida de Ourense en Marín avanza na súa tramitación burocrática co peche do prazo para a presentación de ofertas por parte das empresas interesadas en realizar os traballos.
Este procedemento, debido á súa envergadura, dividiuse en dous lotes, o primeiro deles centrado nos traballos de humanización, ao que se presentaron 15 empresas. Pola súa banda en canto á instalación da nova iluminación, que cumprirá cos criterios de eficiencia enerxética, presentáronse 4 empresas, concorrendo algunhas delas a ambos os dous lotes.
Segundo explicou o goberno local, está previsto que nas próximas semanas as propostas sexan sometidas ao criterio técnico, procedendo despois á apertura dos sobres relativos ás ofertas económicas, para determinar, finalmente, que asina resultará a adxudicataria das obras.
A humanización da arteria principal do municipio enmárcase dentro do proxecto europeo Marín 2020, que forma parte da Estratexia de Desenvolvemento Urbano Sustentable Integrado (EDUSI), impulsada e financiada polo Fondo Europeo de Desenvolvemento Rexional (FEDER) da Unión Europea.
A súa execución supón a segunda parte do proxecto global de mellora da Avenida de Ourense, sendo a primeira a obra de renovación do colector, unha actuación “que nos marcamos como un obxectivo necesario e primordial para mellorar o saneamento da ría”, explicou a alcaldesa María Ramallo. A finalización destes traballos, que xa se atopan na súa cuarta fase, está prevista para o primeiro trimestre do ano, confirma o Concello.
En canto á segunda fase, supoñerá un "proxecto completo de mobilidade neste espazo público tan relevante para a nosa vila", asegura a alcaldesa, estando contemplada a construción dun carril bici, entre outros aspectos.
O investimento para neste proxecto será de 1.400.000 euros.
Relacionadas:
-
Marín adxudica a futura humanización da Avenida de Ourense
Por Redacción |
-
Conectan con éxito o novo colector da Avenida de Ourense co resto da rede de augas residuais de Marín
Por Redacción |
-
Dificultades técnicas adían a instalación do colector na Avenida de Ourense
Por Oskar Viéitez |
-
A construción do tanque de tormentas da Avenida de Ourense está executada nun 75%
Por Redacción |
-
Aprobado definitivamente o proxecto de mellora da mobilidade na Avenida de Ourense
Por Redacción |