Tear de solidariedade para os pacientes do Hospital Provincial
Por Redacción
Os Reis Magos de Oriente adiantarán este ano a súa chegada a Pontevedra para achegarse este venres 3 de xaneiro ata o Hospital Provincial para entregar uns pequenos agasallos aos menores que están ingresados por estas datas. Previamente, pasaranse a tecer bonecos de punto na tenda 'Pepa y Punto' e a recoller os xa elaborados durante os últimos meses por paxes voluntarios e solidarios.
Ás cinco da tarde achegaranse por este establecemento situado na rúa Loureiro Crespo, xusto fronte ao servizo de Urxencias do Hospital Provincial e acabarán de tecer a man os bonecos de la que entregarán aos nenos hospitalizados.
Este labor artesanal, elaborada con agarimo e dedicación durante meses por máxicas paxes, trasladarana camiñando ata o Hospital Provincial, onde se dispoñerá para a súa posterior entrega aos pacientes ingresados.