Rexístranse máis de tres abandonos de cans a diario na provincia
Por Redacción
Terra, Sabela, Ares e Ceo son catro cachorros que apareceron abandonados nun colector de lixo de Vilanova de Arousa e forman parte dos 1.290 cans abandonados no provincia durante o ano 2019. Esta camada pasou polo Centro de Acollida e Adopción de Animais (CAAN) da Armenteira, que depende da Deputación, e a partir deste luns 13 poderán ser adoptados por aquelas persoas que o desexen.
A presidenta provincial Carmela Silva comparecía co deputado responsable do centro Manuel González, o veterinario José Luis Pedreira e Gabriel Rodríguez, técnico encargado do CAAN para ofrecer os datos de adopcións e de abandonos durante o último ano.
A provincia rexistrou unha media de 3,5 diarios. Tamén se rompeu o récord do número de adopcións acadando as 466; deles 345 foron acollidos en fogares da provincia de Pontevedra, os demais foron a domicilios do resto de Galicia e tamén de Portugal.
A Deputación ten previsto poñer en marcha unha nova campaña de adopcións coa idea de que sexa emocional e que aparezan os cargos da institución provincial ofrecendo unha aperta a estes animais abandonados.
Carmela Silva lembrou que a adopción no CAAN é gratuíta e que as mascotas saen do centro vacinadas e desparasitadas. Ademais, as persoas que adopten contarán co asesoramento veterinario das persoas responsables deste centro situado en Meis.
Relacionadas:
-
"Sentido común", cos cans: "paseos curtos para que fagan as súas necesidades e volta a casa"
Por Redacción |
-
Aumentan as adopcións de cans do Centro de Acollida da Armenteira
Por Redacción |
-
Mosto e Sura, dous cans abandonados na provincia que atopan nova familia en Xixón e Madrid
Por Sara Iglesias |
-
O Concello de Marín esterilizou a 66 gatos de rúa
Por Oskar Viéitez |
-
"Apro" leva toda a súa vida vivindo na canceira
Por Redacción |
-
Bertín, o avó do CAAN, xa ten novo fogar en Cotobade
Por Redacción |
-
Arroxan catro cachorros a un contedor de lixo en Vilanova de Arousa
Por Redacción |
-
Os cachorros encontrados nun contedor de Cuntis evolucionan favorablemente no CAAN grazas a Rula
Por Almu Dapena |