A Xunta reclamará ao goberno de Sánchez axilidade nos trámites para iniciar as obras previstas na ría de Pontevedra
Por Redacción
Ethel Vázquez, conselleira de Infraestruturas e Mobilidade, manterá este próximo martes 14 de xaneiro unha reunión de traballo co secretario de Estado de Medio Ambiente, Hugo Morán. Durante este encontro está previsto que a representante da Xunta de Galicia solicite o apoio da Administración central para atender os asuntos máis prioritarios en materia de abastecemento e saneamento das augas de distintos puntos da comunidade autónoma.
Entre os asuntos que figuran na axenda da conselleira atópase o saneamento de Raxó, un punto conflitivo no municipio de Poio. E ademais, Ethel Vázquez ten previsto solicitar a maior axilidade posible na tramitación dos informes necesarios para desenvolver as obras de saneamento da ría de Pontevedra coa ampliación da estación depuradora (EDAR) dos Praceres, que proxecta a Xunta.
Precisamente, a plataforma de afectados de Lourizán está a dirixir escritos tanto á administración autonómica como ao Ministerio de Transición Ecolóxica reclamando outro modelo "máis racional" para sanear a ría de Pontevedra, opoñéndose á ampliación da depuradora.
Relacionadas:
-
A Xunta estima que as obras de mellora da EDAR de Praceres comezarán en abril
Por Redacción |
-
O alcalde Lores pide apoio ao presidente Sánchez para "liberar" á ría de Ence
Por Oskar Viéitez |
-
A Platafoma de Lourizán quere falar co novo Goberno da ampliación da depuradora
Por Oskar Viéitez |
-
A ampliación da depuradora dos Praceres xera posturas enfrontadas
Por Oskar Viéitez |
-
Adxudican a redacción do proxecto para ampliar a depuradora de Sanxenxo e o saneamento de Raxó
Por Redacción |