Amigos de Galicia 'comparte ilusión' entre os usuarios do centro Amencer-Aspace
Por Redacción
Unha vintena de usuarios do centro que Amencer-Aspace ten en Pontemuíños recibiron este mércores toda unha sorpresa. Recibiron un agasallo, entregado pola fundación Amigos de Galicia, para soportar a volta á rutina tras as vacacións de Nadal.
Esta entrega de agasallos forma parte da campaña Comparte ilusión, mediante a cal a entidade repartiu 2.695 xoguetes entre os/as menores atendidos en Galicia.
A colaboración entre ambas as entidades é habitual. De feito, hai uns meses, a fundación entregou ao centro o programa Spidersuit, valorado en 12.537 euros, que ofrece rutinas de fortalecemento intensivo e personalizado para menores con trastornos neuromotores.
O centro de Amencer-Aspace atende ademais aos menores derivados por Amigos de Galicia, previa valoración do persoal técnico da entidade, sen ningún custo para os usuarios. Mediante este sistema, xa foron tres os menores que se beneficiaron deste programa.
Relacionadas:
-
Carmen Pomar, conselleira de Educación, destaca o valor de Amencer-Aspace na consecución dunha escola inclusiva
Por Boris Rodríguez Pintos |
-
Estudan a creación dun servizo municipal para atender as afeccións neuronais de menores
Por Redacción |
-
Pontevedra dálle a volta á parálise cerebral
Por Manu Otero |
-
Os tapóns que converten aos nenos en superheroes
Por Alejandro Espiño |