Pontevedra impulsará o primeiro premio literario en Galicia sobre diversidade sexual
Por Alejandro Espiño
Pontevedra dará un paso máis cara a visibilización e concienciación sobre a realidade LGTBIQ+. Vaino a facer en colaboración da Editorial Xerais coa convocatoria do primeiro premio literario que, no ámbito galego, recoñecerá traballos relacionados coa diversidade sexual.
Esta é a principal novidade do programa municipal Pinto e Maragota para 2020, segundo avanzou a edil de Igualdade, Paloma Castro.
O calendario de actividades de Pinto e Maragota arrancará o sábado 1 de febreiro coa celebración do segundo congreso A diversidade sexual e de xénero nas aulas, que terá lugar no Pazo da Cultura e ao que asistirá, entre outros, o cantautor madrileño Viruta, un dos principais referentes do activismo trans en España.
No congreso participarán tamén a pediatra Inés del Río, que falará sobre a diversidade sexual na infancia; ou a activista trans Ada Otero, que analizará aspectos legais. Haberá ademais dúas mesas redondas, unha sobre o tratamento desta realidade nas aulas e outra sobre a realidade trans con Laura Bugalho, Marcos Ceive e Rihanna Currás.
O congreso incluirá a proxección do documental Noite irisada, dirixido por Bea V. Campaña e producido por Fernando Rodríguez, que repasa a loita do colectivo LGTBI en Galicia
No primeiro semestre do ano tamén se impulsará a campaña Deporte Diverso, consistente na creación dun vídeo en colaboración con clubs deportivos da cidade para promover a tolerancia e o respecto pola diversidade sexual no deporte; e regresarán os vermús de Pinto e Maragota, con actuacións musicais, espectáculos de cabaret, danza, poesía e faladoiros.
A concelleira de Igualdade avanzou a súa intención de que, a partir de setembro, estas accións de Pinto e Maragota se centren no ámbito escolar a través proposta de lecer Somos Diversxs, con contos e xogos que buscarán promover a reflexión e a empatía nos máis pequenos.
No que atinxe ao alumnado de ESO e Bacharelato, ao igual que o ano pasado se celebraron os 50 anos da loita LGTBI a raíz dos disturbios de Stonewall, para o 2020 contémplase a celebración dunha actividade arredor da memoria histórica do colectivo en Galicia, con lecturas, charlas e videoforums nos institutos de Pontevedra.
Relacionadas:
-
María Reimóndez gaña o premio literario Pinto e Maragota con "Cobiza", unha novela de ciencia ficción
Por Alejandro Espiño & Mónica Patxot |
-
Vinte e catro obras optan ao primeiro premio literario Pinto e Maragota de diversidade sexual
Por Redacción |
-
Habilitan unha web para enviar as propostas para o premio literario Pinto e Maragota
Por Redacción |
-
O premio literario Pinto e Maragota recoñecerá obras narrativas, poéticas ou teatrais sobre diversidade sexual
Por Alejandro Espiño |
-
O congreso 'A diversidade sexual e de xénero nas aulas' reunirá a 250 persoas en Pontevedra
Por Redacción |
-
O Consello da Muller Nova busca máis participación dos institutos no 8-M
Por Redacción |
-
LGTBIfobia en Pontevedra: un 14% do alumnado cre que o seu instituto non é un espazo seguro para as persoas LGTBIQ+
Por Natalia Puga & Cristina Saiz |
-
A Policía Local fórmase en diversidade sexual e de xénero para combater a LGTBIfobia
Por Redacción |
-
Pontevedra creará un centro municipal de información sobre diversidade sexual
Por Alejandro Espiño |