Detido un menor por roubarlle un móbil a outro rapaz
Por Oskar Viéitez
A Policía Nacional detivo esta semana un mozo menor de idade, como presunto autor dun roubo con violencia que foi denunciado na Comisaría no principio do ano.
Segundo informaron fontes oficiais da Comisaría Provincial, o menor intimidou a outro rapaz para roubarlle nas inmediacións da Alameda de Pontevedra o pasado día 3 de xaneiro.
Trátase dun menor, veciño de Pontevedra implicado en intervencións anteriores por diferentes feitos delituosos.
Nesta ocasión subtraeu un teléfono móbil e marchou do lugar á carreira.