Cuntis estrea o Plan Concellos 2020 coa contratación de dezanove traballadores
Por Redacción
Tres municipios da provincia, un deles Cuntis, estrearon o Plan Concellos 2020. A vila termal contratará dezanove traballadores para reforzar os seus servizos.
Estes contratos están incluídos na liña 3 deste programa de investimentos dos concellos que impulsa anualmente a Deputación, que xa deu a súa autorización á súa tramitación.
En concreto, Cuntis recibirá 122.732,75 euros para contratar estas dezanove persoas.
As persoas que se contratarán ao abeiro deste plan, que tramitan os propios concellos, dedicaranse a traballos de conservación e funcionamento de bens e servizos municipais.
Así, no caso de Cuntis será un condutor de retroescavadora, un operario de asfaltados, dúas persoas técnicas en protección civil, un enxeñeiro técnico agrícola, dúas persoas para o servizo municipal de emerxencias, dous técnicos en turismo, dúas persoas para recollida de lixo, catro albaneis e catro traballadores para a limpeza das vías públicas.