Alertan da presenza de billetes falsos en Poio que xa se usaron nun comercio
Por Redacción
Un billete falso de 20 euros foi empregado por una persoa para pagar nun establecemento comercial de Poio. Este feito, que foi denunciado antes as autoridades, provocou que a Policía Local emitira unha alerta a toda a veciñanza.
Estes billetes, apunta a Policía Local, son de baixa calidade e relativamente fáciles de distinguir, porque nun dos seus laterais, en letra pequena, aparece escrito en inglés que non é legal.
Neste caso foi un billete de 20 euros, aínda que estas falsificacións se dan practicamente en todos os valores habituais (5, 10, 20 e 50 euros). Os máis pequenos, con todo, son as máis habituais, dado que se lles presta menos atención por ter menor valor.
Estes billetes falsos, nun principio destinados a películas e anuncios publicitarios, están a ser utilizados para realizar pagos, o que constitúe un delito que xa investiga a Policía Local.
Relacionadas:
-
Alerta policial: os billetes falsos volven circular por Poio
Por Redacción |
-
Operación contra a introdución de moeda falsa cun detido en Pontevedra
Por Oskar Viéitez |
-
Ollo! Os billetes falsos usados en películas que circulan por toda España chegan a Pontevedra
Por Alejandro Espiño |
-
Sorprenden "in fraganti" en Sanxenxo un estafador con 195.000 euros en billetes falsos
Por Redacción |