Pontevedra, primeira cidade galega en acoller a Global Game Jam
Este venres día 31 comezará unha nova edición da Global Game Jam, un evento dirixido a todas as persoas amantes dos videoxogos e que queiran afondar no método que se utiliza á hora de crear un.
A Global Game Jam, que leva dez anos realizándose, conta con máis de 50.000 participantes repartidos en varias cidades de España e de todo o mundo. Con todo, nunca se celebrou en Galicia e será Pontevedra a primeira cidade galega en acollela.
O evento durará toda a fin de semana. Dará comezo o venres ás 17:00 horas cando a organización desvele o tema sobre o que se vai a traballar, e rematará o domingo ás 18:00 horas. Todas as persoas participantes, que deberán inscribirse previamente na páxina web, estarán a desenvolver os seus proxectos na Casa Azul.
Os participantes posúen perfís moi variados, desde programadores de videoxogos ou modeladores 3d ata persoas ás que simplemente lle gustan os videoxogos. A entrada será completamente gratuíta, polo que os únicos requisitos para participar serán a inscrición previa na páxina web e ser maior de idade
En canto ao funcionamento do evento, comezará coa formación de grupos e a revelación do tema sobre o que se vai a traballar. Posteriormente cada grupo pasará a traballar sobre un prototipo que elaborarán eles mesmos. O traballo final ten a oportunidade de publicarse como un videoxogo. No caso de que non o consigan, o traballo non se perde senón que se utiliza como semente para futuros proxectos.
Evelio Sánchez, organizador do evento en Pontevedra, fala sobre a súa previsión e considera un éxito que o evento se celebre por primeira vez en Pontevedra, e engade que case teñen cubertas as 30 prazas que ofertan na páxina web. Tamén aproveitou para agradecer ao concello pola oportunidade de celebrar o evento e á asociación gamer Gaming Troop polo apoio recibido.
Para todas as persoas que estean interesadas no evento poden obter máis información na páxina web, no sea twitter ou no seu facebook
Relacionadas:
-
O rego de plantas e a limpeza de malas herbas tamén son materia de videoxogo
Por Redacción |
-
Os amantes dos videoxogos teñen unha cita en Pontevedra coa Global Game Jam
Por Almu Dapena |
-
Ponte Veteri: unha aplicación que nos transporta á Pontevedra do século XII
Por Boris Rodríguez Pintos |
-
A primeira Global Game Jam en Galicia, un éxito
Por Boris Rodríguez Pintos |
-
O alumnado do campus poderá probar uns videoxogos deseñados polos seus compañeiros
Por Redacción |
-
Os videoxogos pisarán con paso firme no Culturgal
Por Redacción |