Repoboan a senda fluvial do Lérez con 150 árbores de ribeira
Por Redacción
Tras os traballos para eliminar os eucaliptos e outras especies invasoras como acacias e robinias, a senda fluvial do Lérez contará con novas árbores. Serán, en concreto, 150 árbores de ribeira e arbustos de especies frondosas.
Trátase de 70 carballos, 25 loureiros, 20 cerdeiras, 20 freixos e 15 abeleiras que se van a plantar na área lindeira coa estrada de acceso á urbanización de Monte Porreiro.
Os operarios da empresa Cormo Integral agardan ter rematada a actuación este venres.
Deste xeito, o departamento de Desenvolvemento Sostible completará unha actuación que se puxo en marcha en outubro do ano pasado coa tala dunha trintena de exemplares alóctonos e perigosos nun treito duns 150 metros próximo á praia fluvial, entre a ponte do ferrocarril e o inicio da senda.
O edil Iván Puentes lembra que toda esta zona atopábase "infestada" de acacias negras, mimosas, robinias e eucaliptos de gran tamaño e apenas había árbores de ribeira autóctonas.
Esta segunda fase do proxecto permitirá corrixir a situación, xerando un sotobosque e dotando ás marxes fluviais do Lérez dunha composición vexetal axeitada para un ecosistema de ribeira.
Seguindo esta mesma filosofía, o servizo de Parques e Xardíns tamén levou a cabo a finais de ano traballos de eliminación de especies invasoras (acacias, mimosas e brotes de eucaliptos) ao outro lado da estrada de acceso a Monte Porreiro, no noiro existente entre a ponte do ferrocarril e a rotonda de entrada ao barrio, nas inmediacións do Mirador.
Ao igual que está a acontecer no primeiro treito da senda do Lérez, o departamento municipal tamén ten previsto proceder aquí á plantación de árbores autóctonas e de variedades arbustivas máis acordes coa calidade ambiental do espazo.
Relacionadas:
-
Renovan todas as pasarelas de madeira da senda fluvial do Lérez
Por Redacción |
-
Galicia suspende as novas plantacións de eucalipto para diversificar os seus montes
Por Alejandro Espiño |
-
O Concello intervén na senda fluvial do Lérez para reparar danos
Por Redacción |
-
A do Lérez será "praia libre de fume" e contará con socorristas e balizamento a partir do sábado 27 de xuño
Por Oskar Viéitez |
-
Limpeza e desinfección da praia fluvial do Lérez para o paso á 'nova normalidade'
Por Redacción |
-
Posta a punto da praia fluvial do Lérez para os meses de verán
Por Redacción |
-
Árbores para dar "máis riqueza e variedade" aos xardíns da Xunta e ás zonas verdes de Tafisa
Por Redacción |
-
Rexeneran as zonas da Illa das Esculturas nas que se celebrou o Nacional de ciclocrós
Por Redacción |
-
Pontevedra reforzará o investimento nas súas zonas verdes para que sexan "dinámicas e modernas"
Por Alejandro Espiño |
-
Novas árbores para San Antoniño, Cobián Roffignac, Benito Corbal e Peregrina
Por Redacción |