O pleno para aprobar os orzamentos municipais de 2020 será o 7 de febreiro
Por Alejandro Espiño
Xa hai data para o pleno no que se aprobarán os orzamentos de Pontevedra para 2020. A sesión, segundo avanzou o edil de Facenda, Raimundo González, será o 7 de febreiro.
O orzamento de 2020 ascende a 79.336.000 euros e é, segundo González, "o máis alto da historia" da cidade e, ao mesmo tempo, é o de maior investimento e o de menor débeda pública. "Son o reflexo dunha boa xestión económica", engadiu.
O documento xa foi aprobado pola Xunta de Goberno e, tras ser entregado a todos os grupos municipais, haberá una comisión informativa o vindeiro martes 4 de febreiro na que se ditaminarán as emendas que se presenten.
66 MILLÓNS EN INVESTIMENTO
Ao mesmo tempo, Raimundo González destacou que, entre os proxectos que porá en marcha o Concello, de xeito directo ou a través de empresas concesionarias, e outras administracións como a Deputación e a Xunta, en 2020 investiranse na cidade máis de 66 millóns de euros.
Neste ano estará en marcha o saneamento en nove parroquias do rural (as da zona norte) cun orzamento superior aos 18 millóns de euros e os proxectos de abastecemento en distintos puntos do rural valorados en 14 millóns. Tamén está programado para este 2020 arranxar o bombeo de Monte Porreiro.
Entre os convenios en colaboración con outras administracións, atópase o novo acceso a Monte Porreiro dende Tafisa ata os Campos, o acordo coa Deputación para dar unha alternativa de saída á avenida de Marín por Mollavao ou o convenio coa Xunta de Galicia para a construción do novo acceso á estación de autobuses e a reurbanización da súa contorna ou a obra do Gran Montecelo.
A estas obras súmanse outros proxectos municipais como a reforma do pavillón da Once, o inicio do complexo deportivo da Parda, a mellora da accesibilidade rural e urbana, a construción de novas casas de cultura, nova iluminación pública ou a reforma de Loureiro Crespo.
Relacionadas:
-
Pontevedra traballa nun plan "moi potente" para preparar a cidade para o Xacobeo 2021
Por Alejandro Espiño |
-
O orzamento municipal sairá adiante cun "amplo consenso", a pesar da "oposición destrutiva" do PP
Por Natalia Puga & Anxo Lourido |
-
Acordo entre o goberno municipal e Ciudadanos para incluír catro emendas no orzamento
Por Redacción |
-
Anabel Gulías sobre as emendas orzamentarias do PP: "Parecen apuntamentos sacados do Rincón del Vago"
Por Redacción |
-
Emenda á totalidade do PP aos orzamentos municipais por fomentar a desigualdade e o machismo
Por Redacción |
-
O Goberno local cre que a Boa Vila vive un "bo momento"
Por Oskar Viéitez |
-
O tráfico rodado pola rúa Porta Grande será exclusivo para veciños
Por Redacción |
-
O Concello aumentará o gasto corrente en 2020 para contar con "servizos top"
Por Alejandro Espiño |
-
Pontevedra terá en 2020 un orzamento de 79,3 millóns: "Son excelentes", din BNG e PSOE
Por Alejandro Espiño & Cristina Saiz |