Os reclusos do centro penal da Lama lembran a Concepción Arenal
Por Redacción
O centro penal da Lama acolleu este venres un acto de homenaxe e recordatorio a Concepción Arenal, no 200 aniversario do seu nacemento.
A escritora e xornalista, foi visitadora de Prisións de Mulleres de Galicia en 1863 e é para a Administración Penal unha figura fundamental.
Defensora dos dereitos das persoas privadas de liberdade, promoveu a educación como ferramenta básica da reinserción social do penado.
No acto organizado na prisión pontevedresa proxectouse a película "Concepción Arenal, a visitadora de cárceres" da directora Laura Maña e protagonizada por Blanca Portillo e Mabel Rivera. A continuación, Mabel Rivera e Isabel Neira, actrices desta película e Celia Pereira Porto, experta en Arenal compartiron cos internos as súas opinións acerca do que representa hoxe en día a súa figura e o seu legado para as persoas privadas de liberdade.
Nesta actividade tamén participou a directora da prisión, Teresa Delgado, a presidenta do Consello da Cultura Galega, Rosario Álvarez e a directora do Centro de Documentación en Igualdade e Feminismos, Mª Xosé Porteiro.
Relacionadas:
-
Reclaman que se cubran as 48 vacantes no centro penitenciario da Lama
Por Redacción |
-
Traballadores do cárcere da Lama salvan a tres reclusos nun día
Por Oskar Viéitez |
-
RADIO.- Anna Caballé: A proposta da denominación única de Congreso "é razoable e non pode escandalizar a ninguén"
Por Marisa Ciordia |
-
Pontevedra conmemorará o bicentenario de Concepción Arenal, "a primeira feminista galega"
Por Alejandro Espiño |