A xuízo por introducir facturas falsas para atender a gastos persoais
Por Oskar Viéitez
A Sección segunda da Audiencia provincial de Pontevedra sinalou para este martes día 4 de febreiro un xuízo por un caso de estafa e falsidade en documento mercantil.
Xúlgase a F.C.R, director de recursos humanos dun grupo empresarial do Porriño, sospeitoso de presentar facturas elaboradas por el ou por un terceiro ao departamento financeiro e incorporar o diñeiro ao seu patrimonio.
O Ministerio Público solicita tres anos e sete meses de cárcere. Procede do Xulgado de Instrución número 2 do Porriño.
Segundo o relato Segundo o relato que fai a Fiscalía no seu escrito de acusación, o home presentou varias facturas entre 2013 e 2015 "que aparentaban reflectir operacións que na realidade non existiran, que foran confeccionadas por el ou por un terceiro, sendo plenamente consciente o acusado da súa total falta de veracidade".
"Deste xeito lograba que o grupo de empresas, crendo estar a abonar servizos realmente prestados, pagaba cantidades monetarias que a continuación o acusado facía súas; ou ben eran destinadas ao pago dos seus gastos persoais", relata a Fiscalía.