Sanxenxo reparte 52.700 euros entre as comisións para organizar festas parroquiais
Por Redacción
A tempada de festas parroquiais está aínda lonxe, pero o Concello de Sanxenxo xa prepara os fondos para colaborar coas comisións de festas e facilitar a organización destes eventos tan importantes para os veciños. O orzamento que repartirá entre as dez organizacións beneficiarias destas axudas ascende a 52.700 euros.
Explican desde a concellería de Cultura que a maior parte das agrupacións destina o diñeiro recibido ao financiamento de fogos artificiais, contratación de orquestras, agrupacións folclóricas ou charangas. Son as comisións as que deben facer chegar unha previsión de gastos ao Concello que logo deberán xustificar coa presentación de facturas.
Ademais de colaborar no financiamento, o Concello asume tamén os gastos derivados das montaxes de escenarios ou da limpeza. Con esta actuación, o goberno local quere recoñecer e poñer en valor o traballo que realizan as comisións de festas para seguir mantendo os costumes e celebracións de cada parroquia.
Excluídas desta iniciativa quedan a organización das festas de Portonovo e Sanxenxo que, pola súa magnitude e duración, contan con partidas específicas no orzamento do Concello.
Relacionadas:
-
Sanxenxo ultima as obras de Punta Vicaño e da PO-308 coa vista posta no verán
Por Redacción |
-
Sanxenxo terá un orzamento de 29 millóns de euros en 2020
Por Oskar Viéitez |
-
Sanxenxo amplía a duración da Feira da Cebola sen medo a repetirse
Por Redacción |
-
Os turistas de Sanxenxo dan conta de 600 quilos de sardiñas de balde
Por Redacción |