Sanxenxo ultima as obras de Punta Vicaño e da PO-308 coa vista posta no verán
Por Redacción
O verán aínda está lonxe pero no Concello de Sanxenxo xa traballan coas vistas postas na época estival. Este xoves o alcalde Telmo Martín visitou o parque de Punta Vicaño, entre as vilas de Portonovo e Sanxenxo, onde acaba de concluír a mellora desta zona verde de máis de dúas hectáreas. "No 2017 o parque estaba nunha situación de descoido con árbores enfermas, dous anos e medio despois pode comprobarse o cambio que deu este pulmón despois dun investimento de 160.000 euros", declarou o rexedor.
Nesta zona tallaron os exemplares enfermos e repoboaron con novas árbores, ademais construíron un estanque e adecuaron as zonas axardinadas. "Que veñan gozalo", pediu o popular.
Doutra banda, continúan as obras de mellora do tramo da PO-308 entre Major e Portonovo, que deben estar terminadas en xuño. Despois dunha conversación entre o alcalde e o director da Axencia Galega de Infraestruturas acordaron habilitar un espazo entre a calzada e a senda peonil, nun tramo de 250 metros, para ampliar as prazas de aparcamento nuns 40 vehículos.
A obra realizada neste vial inclúe tres rotondas en Bascuas, Montalvo e Canelas, así como dous tramos de pasarela peonil de madeira en Paxariñas e Montalvo.
Relacionadas:
-
A nova rede con tobogán do parque de Punta Vicaño estará instalado antes de final de ano
Por Redacción |
-
Unha rede de escalada e un tobogán ampliarán a zona de xogo en Punta Vicaño
Por Oskar Viéitez |
-
A Academia Galega de Seguridade Pública organizará un curso de socorristas en Sanxenxo
Por Oskar Viéitez |
-
O entroido de Sanxenxo trae obradoiros, concursos, bailes, parodias e desfiles
Por Oskar Viéitez |
-
Pontevedra e a súa ría, terceiro destino turístico que máis creceu en Galicia en 2019
Por Alejandro Espiño |
-
Sanxenxo quere ter en vigor a nova ordenanza de venda ambulante antes do verán
Por Redacción |
-
Sanxenxo reparte 52.700 euros entre as comisións para organizar festas parroquiais
Por Redacción |