Ana Pastor, positivo por coronavirus tras varios días de corentena na casa
Por Alejandro Espiño
O coronavirus segue estendéndose entre a clase política española. Tras confirmarse o positivo polo COVID-19 de dous deputados de Vox, agora é a ex ministra de Fomento, Ana Pastor, a que deu positivo tras varios días de corentena na súa casa.
A dirixente do PP, que nas últimas eleccións xerais presentouse por Madrid e non por Pontevedra como era habitual nela, foi quen anunciou a noticia nas súas redes sociais.
A través da súa conta de Twitter, Pastor explica que permaneceu en casa desde o sábado pola tarde debido á febre e seguindo as indicacións médicas.
"Onte deume positivo a proba do COVID-19 polo que continuarei na miña casa os días que me indiquen os meus colegas. Eu estou perfectamente ben sen febre nin outros síntomas", explica a propia Ana Pastor.
Desde el sábado por la tarde que tuve fiebre he permanecido en casa siguiendo las indicaciones médicas. Ayer me dio positivo la prueba del COVID-19 por lo que continuaré en mi casa los días que me indiquen mis colegas. Yo estoy perfectamente bien sin fiebre ni otros síntomas.
— Ana Pastor Julián (@anapastorjulian) March 11, 2020
A política pontevedresa engade unha "mensaxe de tranquilidade" ante esta noticia, xa que lembra que España ten unha "excelente" sanidade e profesionais "magníficos", polo que recomenda seguir os seus consellos para facer fronte á expansión do virus.
Fontes do partido confirmaron a PontevedraViva que Ana Pastor atópase na súa casa de Pontevedra, onde chegou o pasado sábado. Tras aparecerlle a febre e os primeiros síntomas dun posible contaxio do coronavirus, optou por cancelar toda a súa axenda pública e gardar unha corentena voluntaria.
Así, entre outros actos, renunciou a participar na manifestación do 8M en Pontevedra e no almorzo que o presidente da Xunta, Alberto Núñez Feijóo, organizou o pasado luns cunhas catrocentas persoas no hotel Galicia Palace.
Relacionadas:
-
Rafa Domínguez, portavoz do PP local, dá positivo por coronavirus
Por Diego Espiño |
-
Ana Pastor, recuperada do coronavirus: "He dado negativo", anuncia nas redes sociais
Por Alejandro Espiño |
-
Os casos confirmados de coronavirus duplícanse nun día e ascenden a once na área sanitaria de Pontevedra
Por Natalia Puga | Creada e actualizada
-
Educación suspende as clases en Galicia polo coronavirus
Por Alejandro Espiño & Natalia Puga | Creada e actualizada
-
O Concello activa un protocolo para combater a expansión do coronavirus
Por Alejandro Espiño |
-
A Deputación cancela polo coronavirus os eventos "masivos" e recomenda evitar "consultas presenciais"
Por Alejandro Espiño |
-
A suspensión de eventos polo coronavirus preocupa á hostelería de Pontevedra ante a cancelación de reservas
Por Boris Rodríguez Pintos & Anxo Lourido |
-
Confirmado o primeiro caso positivo por coronavirus en Pontevedra
Por Redacción | Creada e actualizada
-
Galicia restrinxe a visita a hospitais e limita os grandes eventos ante a expansión do coronavirus
Por Alejandro Espiño |