Trece casos confirmados de coronavirus na área sanitaria de Pontevedra e O Salnés
Por Natalia Puga
A Dirección Xeral de Saúde Pública da Consellería de Sanidade confirmou que, tras a última actualización de datos da mañá deste sábado, o número de casos confirmados de coronavirus na área sanitaria de Pontevedra e O Salnés ascende a 13, dous máis que na serán do venres.
Segundo os datos oficiais facilitados, ningún deles permanece na UCI, cinco atópanse hospitalizados e oito están en illamento nos seus domicilios.
De momento, ningún dos pacientes que deu positivo en coronavirus na área sanitariar recibiu o alta, como si sucedeu noutras zonas de Galicia. pero cabe ter en conta que o primeiro positivo de Pontevedra é posterior ao desas zonas. Así, un home de 45 anos deu positivo na primeira análise o domingo e confirmouse o caso o mércores á primeira hora.
En toda Galicia, o número total de casos ascende este sábado a 135, deles 55 son da área da Coruña, 7 da de Lugo, 15 da de Ourense, 13 da de Pontevedra, 23 da área de Vigo, 17 da de Santiago, e 5 da de Ferrol.
En tota Galicia, do total de pacientes positivos, 7 permanecen en UCI, 27 están en unidades de hospitalización e 101 no domicilio. Por outra banda, rexistráronse xa as tres primeiras altas de pacientes, no Complexo Hospitalario Universitario da Coruña; e un falecemento na área de Vigo, dunha muller de 92 anos, con múltiple patoloxía, que se atopaba ingresada no Hospital Povisa, e que dera positivo na proba de coronavirus. Tratábase dun caso importado.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.
O Sergas puxo ao dispor da cidadanía unha páxina web (https://coronavirus.sergas.es), na que se pode consultar información dirixida á poboación, aos profesionais sanitarios e para outros colectivos.
Relacionadas:
-
Oito novos positivos na área sanitaria, que ten 26 pacientes confirmados de coronavirus
Por Natalia Puga |
-
Os positivos por coronavirus na área sanitaria ascenden a 18, cinco hospitalizados
Por Natalia Puga |
-
Primeiro falecemento por coronavirus en Pontevedra: un home de 81 anos con múltiples patoloxías
Por Natalia Puga |
-
Pontevedra habilita unha web con información local sobre o coronavirus
Por Alejandro Espiño |
-
#NaCasa fronte o coronavirus: "Queda na casa, protéxete, axúdanos", pide o personal sanitario
Por Alejandro Espiño |
-
Grans de area que pode aportar cada cidadán para frear o coronavirus
Por Redacción |
-
Os casos confirmados de coronavirus duplícanse nun día e ascenden a once na área sanitaria de Pontevedra
Por Natalia Puga | Creada e actualizada