Pontevedra habilita unha web con información local sobre o coronavirus
Por Alejandro Espiño
O Concello de Pontevedra habilitou unha páxina web na que se recolle información de utilidade para os veciños e veciñas de Pontevedra sobre a pandemia do coronavirus.
A páxina web www.pontevedra.gal/covid-19 recolle as recomendacións realizadas polas autoridades sanitarias sobre a pandemia: os síntomas, o protocolo de actuación, os teléfonos de contacto ou indicacións sobre que facer nos casos máis graves.
Ademais, tamén mostra o bando municipal ditado polo alcalde no que se ordena o peche de todas as instalacións municipais, así como o cese de todas as actividades organizadas polo Concello. Tamén se acorda impulsar as xestións dos cidadáns a través do teléfono ou da sede electrónica municipal.
Para este propósito a web disporá dunha guía telefónica dos departamentos municipais con atención ao público para que poidan dirixirse aos servizos que o precisen.
Destinados á poboación tamén son os enlaces coas páxinas co Ministerio de Sanidade onde se recollen consellos, recomendacións e contestación a dúbidas sobre a pandemia e como proceder; así como a habilitada polo Sergas, con contidos similares.
A páxina web tamén ten unha parte específica relativa ao persoal municipal coas instrucións e recomendacións nos centros de traballo. Está incorporada a circular interna aprobada e remitida a todos os traballadores, así como o protocolo aprobado sobre as medidas de prevención que han de estar operativas en cada un dos departamentos.
Esta web irase completando e ampliando con información co paso das horas, debido ao cambiante da situación.
Ao mesmo tempo, o Concello reforzará a presenza da alerta sanitaria nas súas redes sociais, onde se irá achegando información para manter informados aos cidadáns na medida das posibilidades que ofrecen estas canles de comunicación.
Relacionadas:
-
"Despois de once días de incerteza conseguín saber o resultado do test PCR"
Por Marisa Ciordia |
-
O comercio bota a persiana, pero permitiranse salóns de peiteado, tinturerías e ópticas e a venda por Internet
Por Natalia Puga & Alejandro Espiño | Creada e actualizada
-
Cancelan os actos da Semana Santa pontevedresa para salvagardar a saúde das persoas participantes
Por Anxo Lourido |
-
Histeria colectiva en Pontevedra a pesar de que supermercados e estancos permanecen abertos
Por Almu Dapena & Diego Torrado | Creada e actualizada
-
Trece casos confirmados de coronavirus na área sanitaria de Pontevedra e O Salnés
Por Natalia Puga |
-
#NaCasa fronte o coronavirus: "Queda na casa, protéxete, axúdanos", pide o personal sanitario
Por Alejandro Espiño |