VÍDEO.- Toda Pontevedra transfórmase nun aplauso colectivo en apoio ao persoal sanitario
Por Natalia Puga
Toda a cidadanía de Pontevedra, en sintonía e sen fisuras, mostrou este domingo o seu apoio ao persoal sanitario que traballa de forma incansable para loitar contra o coronavirus. En todos vos recunchos da cidade, como no resto de España, soou ás oito da tarde un sonoro e emocionante aplauso para agradecer a implicación e achega de todos traballadores que durante as 24 horas do día se expoñen ao virus para facer o seu traballo e axudar a frear o seu avance.
O aplauso transformou durante varios minutos o son ambiente dunha cidade, que, en plena corentena, saíu en masa ás xanelas e balcóns para mostrar o seu agradecemento, algúns acompañando o xesto da música do himno galego.
Este é xa a segunda noite de aplauso colectivo en toda España e reuniu aínda a máis pontevedreses que na súa primeira convocatoria, ás dez da noite do sábado. De novo puntuais, e nesta ocasión acompañados por centos de nenos, os veciños da cidade do Lérez deron palmas a modo de ovación a quen se converteu na primeira liña de defensa contra a infección.
Médicos, enfermeiras, celadores e todo o persoal dos centros de saúde, hospitais e servizos como o 061 foron os destinatarios desta homenaxe, un "Grazas" xeneralizado. Ademais, moitos pontevedreses quixeron facer extensivo o seu agradecemeto ás persoas que traballan en todos os sectores que, en plena corentena, seguen traballando fóra de casa para permitir que a engrenaxe da sociedade pontevedresa siga funcionando.
Relacionadas:
-
VIDEO.- A cacerolada contra a monarquía tamén resoa nos balcóns de Pontevedra
Por Redacción |
-
O Colexio de Médicos insta á poboación para "seguir a machada" as medidas das autoridades sanitarias
Por Redacción |
-
Corentena, pero con ritmo: os veciños dun edificio de Loureiro Crespo anímanse para non caer no aburrimento
Por Sara Iglesias & Diego Torrado |
-
Hospitais e clínicas privadas pasan á sanidade pública pola crise do coronavirus
Por Alejandro Espiño |
-
VIDEO.- Pontevedra súmase ao aplauso colectivo á loita incansable do persoal sanitario fronte o coronavirus
Por Alejandro Espiño |