O Banco de Alimentos mantén a súa actividade ante as "necesidades urxentes" de varias ONG
Por Redacción
O Banco de Alimentos de Vigo e Pontevedra permanecerá aberto, polo menos, ata este mércores 18 de marzo para atender "as necesidades urxentes de varias ONG", aínda que o farán extremando as precaucións polo Covid-19.
"Somos o supermercado das persoas máis necesitadas e, garantindo sempre as medidas de prevención, imos desempeñar o labor humanitario, polo menos ata o mércores", argumenta o presidente da fundación, Pedro Pereira.
O que si fixo o Banco de Alimentos é rebaixar a súa actividade e establecer medidas de seguridade para a recollida de comida nos seus dous almacéns.
Así, os voluntarios de maior idade non poden desempeñar o seu labor por pertencer a un grupo de risco, e faino no seu lugar o persoal máis novo.
Entre as normas esixidas ás entidades receptoras de comida atópase o respecto da distancia estipulada para evitar calquera aglomeración.
Ademais aprazáronse as próximas recollidas solidarias de alimentos enmarcadas dentro da Operación Quilo.
Relacionadas:
-
Banco de Alimentos anuncia a primeira Operación Quilo presencial desde o inicio da pandemia
Por Redacción |
-
Armadores do Gran Sol entregarán 400 quilos de peixe semanais ao Banco de Alimentos
Por Redacción |
-
O Banco de Alimentos activa a súa primeira Operación Quilo online co apoio de rostros famosos
Por Redacción |
-
Cáritas da parroquia de Santa María pide a colaboración cidadá para atender o labor social
Por Redacción |
-
A cidadanía dona en Pontevedra máis de 18.000 quilos de alimentos na primeira Operación Quilo deste ano
Por Sara Iglesias |
-
O Banco de Alimentos activa as súas recollidas solidarias ante a escaseza no seu almacén de Pontevedra
Por Redacción |
-
O Banco de Alimentos repartiu 200.000 quilos de comida en Pontevedra durante 2019
Por Redacción |