O confinamento non é escusa, os aniversarios seguen a celebrarse no colexio de Ponte Sampaio
Por Manu Otero
Athenea é unha alumna do CEIP de Ponte Sampaio que este venres, 20 de marzo, está de aniversario. A tal hora estaría pasándoo en grande cos seus amigos, abrindo os agasallos e tomando un anaco de torta cos seus seres máis queridos, pero a corentena impídello. Con todo, os seus compañeiros de clase mobilizáronse para evitar que Athenea quedase sen festa de aniversario e, desde as súas casas con axuda dun teléfono móbil, fixéronlle un agasallo que nunca vai esquecer.
Cada alumno gravou un vídeo para felicitala. Uns dedicáronlle un debuxo, outros sopraron as velas, algúns tamén lle deron as felicidades xogando. Ninguén quixo esquecerse da súa amiga nesta data tan especial. Tampouco a súa mestra Marián, que tamén se gravou para enviarlle unha mensaxe mostrándolle canto a quere. O profesorado do centro, uniu todos os cortes nun arquivo, colgouno na rede e fíxollo chegar á protagonista.
E aínda por riba detalle, o agasallo chega acompañado dunha promesa. "Á volta celebrámolo, un bico de parte de todos vos teus compis e a túa mestra Marián", é a mensaxe co que finaliza a peza que está colgada na páxina web dun centro educativo no que nin a corentena non poderá romper os lazos que une a toda a comunidade.
Mira nesta ligazón o vídeo completo da felicitación
Relacionadas:
-
Celebración das badaladas no CEIP de Ponte Sampaio con uvas para os maiores e 'gusanitos' para os pequenos
Por Redacción |
-
Sorpresas en Moraña con motivo dos aniversarios
Por Redacción |
-
Protección Civil de Cambados ficha á Patrulla Canina
Por Oskar Viéitez |
-
O alumnado de Ponte Sampaio, segundo mellor de Galicia nun certame de Mans Unidas sobre cambio climático
Por Redacción |
-
Unha cativa fai cantar desde a súa fiestra o "Ola Don Pepito" a todos os veciños de Uxío Novoneyra
Por Manu Otero |
-
VIDEO.- Os nenos de Xeve queren ser superheroes... como os que combaten o coronavirus
Por Alejandro Espiño |