VIDEO.- Pepe Solla alíase con PortAmérica para ensinarnos a comer ben na casa
Por Alejandro Espiño
Durante esta corentena, moitas veces preguntámonos se nos estaremos alimentando de maneira axeitada, tendo en cuenta que a nosa actividade física caeu en picado. Sexa como sexa, a través das redes sociais teremos a partir de agora certa axuda.
Un dos cociñeiros pontevedreses máis reputados, Pepe Solla, aliouse co festival PortAmérica, no que xa dirixe o seu espazo gastronómico, para mostrarnos propostas para comer de maneira saudable durante o confinamento do coronavirus.
Baixo o nome de #YoMeQuedoEnCasaSolla, o chef irá propoñendo suculentas receitas, que se poderán consultar a través das redes sociais do festival.
A primeira delas, xa dispoñible en vídeo, é un suculento almorzo composto por unha torrada de pan, que entre outros ingredientes, leva queixo keffir, leite, iogur, amorodos, limón e albáfega. Todo iso preparado ao rimo da música de David Bowie.
"O almorzo é a comida que máis gozo estes días porque nunca teño tempo de almorzar con calma", asegura Pepe Solla neste primeiro vídeo ao que, segundo anuncia, seguirán outras instructivas receitas para comer e cear durante o noso confinamento.
Con esta iniciativa, o cociñeiro pontevedrés quenta motores para a súa participación, xunto con máis dunha trintena de chefs nacionais e internacionais, na nova edición do festival PortAmérica, que se celebrará en Caldas de Reis entre os días 2, 3 e 4 de xullo.
Relacionadas:
-
Casa Solla, entre os restaurantes "únicos no mundo" que Amazon amosará nun documental
Por Alejandro Espiño |
-
PortAmérica 'calca' para 2021 o cartel da edición suspendida polo coronavirus
Por Alejandro Espiño |
-
PortAmérica, aprazado ata xullo de 2021: "Foi unha decisión durísima", afirma a organización
Por Alejandro Espiño |
-
Música 'con duende' desde Vilagarcía para facer máis amena a corentena
Por Alejandro Espiño |
-
Confinados en Ons: "Cando levas illado toda a túa vida xa te afás. O noso é unha corentena constante"
Por Alejandro Espiño |
-
Catorce novas bandas súmanse ao cartel de Portamérica
Por Redacción |
-
O PortAmérica planta no monte Xiabre 1.800 pés de 10 especies autóctonas
Por Oskar Viéitez |
-
PortAmérica 2020 amosa as súas primeiras cartas: Leiva, Rufus Wainwright, Coque Malla ou Sidonie
Por Alejandro Espiño |