VÍDEO.- Homenaxe da Policía Local e da Nacional ao persoal sanitario en Montecelo: 'Resistiré'
Por Anxo Lourido
Sorprendente foi a homenaxe que recibiron os profesionais sanitarios durante a tarde deste domingo en Urxencias do Hospital Montecelo. Ás 20.00 horas, patrullas da Policía Local de Pontevedra e da Policía Nacional presentábanse facendo ecoar o tema 'Resistiré' do Dúo Dinámico nas instalacións hospitalarias. A música escoitábase, segundo relatan veciños da zona nas inmediacións de Campolongo.
Persoal do centro saíu sorprendido por esta acción e tanto as forzas policiais como os traballadores da sanidade pública fundíronse nun aplauso baixo o ritmo da música. Ambos son sectores profesionais ao servizo da cidadanía que están a sufrir en propias carnes as dificultades derivadas da crise pola expansión do coronavirus.
Ao mesmo tempo, unha xornada máis, centos de veciños volveron realizar ese simbólico aplauso ás 20.00 horas desde diferentes puntos da cidade e das parroquias do municipio co obxectivo de dar visibilidade ao apoio que a cidadanía quere mostrar coas persoas que están a arriscar a súa vida por salvar a de persoas enfermas.
Relacionadas:
-
VIDEO.- Aplauso mutuo entre o persoal sanitario e traballadores da recollida de lixo
Por Redacción & Diego Torrado |
-
VÍDEO.- Así agradece o persoal de Cirurxía impar en Montecelo todo o apoio que recibe na loita contra o COVID-19
Por Anxo Lourido |
-
VÍDEO.- Guille Pérez, o pianista na terraza que anima o vecindario de Eduardo Pondal
Por Redacción |
-
VÍDEO.- Policías, voluntarios e sanitarios fúndense nun aplauso en Montecelo
Por Diego Torrado & Redacción |
-
Avós, estas sirenas soan para vós!
Por Redacción |
-
O aplauso ao persoal sanitario é "un chute de ánimo"
Por Oskar Viéitez |
-
Unha enfermeira de Montecelo obrígase a alugar un apartamento para vivir soa e evitar posibles contaxios no seu piso familiar
Por Anxo Lourido |
-
Balcóns e fiestras da cidade convértense en espazos de agradecemento e reivindicativos
Por Redacción |
-
Unha cativa fai cantar desde a súa fiestra o "Ola Don Pepito" a todos os veciños de Uxío Novoneyra
Por Manu Otero |
-
VIDEO.- Pontevedra súmase ao aplauso colectivo á loita incansable do persoal sanitario fronte o coronavirus
Por Alejandro Espiño |