As protectoras de animais paralizan as adopcións durante o Estado de Alarma
Por Sara Iglesias
Todos confinados na casa...alguén pensou nos cans? Hai moitos que teñen sorte e unha familia que os quere e os coida, pero, que é dos que están abandonados? Como pasan estes días nas protectoras?
En Pontevedra, a protectora de Os Palleiros suspendeu todo tipo de adopción mentres dure o Estado de Alarma. A pesar de que podería ser un bo momento para ver se os cans adáptanse a unha nova casa, os responsables decidiron que non é o momento de levar a cabo estes trámites. Os cans permanecen na protectora e seguen a recibir os seus cuidados, pero agora a espera para atopar un novo fogar será máis longa.
Destaca, polo contrario, o caso da protectora Siempre Fiel de Salamanca, que tras o decreto de Estado de Alarma quedou sen hóspedes: todos os cans foron adoptados. De momento, en réxime de acollida, pero con vistas a ser adoptados definitivamente.
Na Armenteira tamén temos o Centro de Acollida e Protección de Animais (CAAN), que de momento tamén paralizou todas as adopcións e non permitirá novas acollidas ata que pase esta corentena.
Así que cando todo isto pase, podería ser un bo momento para darlle unha segunda oportunidade a todos eses cans, para que encontren un novo fogar e familia que os queira para sempre. Recorda: non compres, adopta.
Relacionadas:
-
Os Palleiros pide axuda ao Concello para acabar coas filtracións de auga nas súas instalacións
Por Diego Espiño |
-
Os Palleiros recuperan os seus paseos
Por Redacción & Diego Torrado |
-
Volven, con máscara protectora, os 'Paseos Palleiros' a partir do vindeiro sábado 13 de xuño
Por Redacción |
-
Propoñen ‘pre-adopcións’ por internet para axilizar a actividade do Centro de Acollida de Animais da Deputación
Por Redacción |
-
Recollidos 23 cans das rúas durante o estado de alarma
Por Oskar Viéitez |
-
O centro provincial de acollida de cans restrinxe a súa actividade polo coronavirus
Por Redacción |