A iluminación das pontes de Pontevedra levará a sinatura de Setga
Por Alejandro Espiño
A empresa pontevedresa Setga será a encargada de renovar a iluminación en dúas pontes da cidade, a das Correntes e a dos Tirantes, e na pasarela peonil da Illa das Esculturas. Esa é a proposta da mesa de contratación celebrada a semana pasada.
A edil Eva Vilaverde, que este luns actuou como portavoz do goberno municipal, explicou que Setga realizará estes traballos, que teñen un prazo de execución dun mes, por un prezo de 430.000 euros.
Este proxecto forma parte do convenio asinado entre o Concello e a Deputación, polo que será a institución provincial quen financie esta nova iluminación artística.
A iluminación da ponte das Correntes será a máis espectacular. Dispoñerá de 106 proxectores LED RGBW en pezas de aceiro inoxidable para ocultalas, con control único programable (cor, aceso), moi similar á ponte do Burgo -que tamén executa Setga-.
A ponte dos Tirantes, pola súa banda, irá con luces brancas para iluminar os tirantes e as columnas (substituíndo os proxectores actuais) e tamén se iluminará o taboleiro.
A pasarela peonil terá unha intervención respectuosa coa contorna natural e dispoñerá de cordóns leds nos tirantes e proxectores no arco para as persoas que camiñan.
Este proxecto acumula un notable atraso, xa que foi adxudicado en xullo de 2018 á empresa Copcisa que, posteriormente, rescindiu o contrato ante a imposibilidade de executala.
Fóra desta intervención, por motivos administrativos, quedou a ponte de Santiago. O Concello, con todo, asegura traballar nun proxecto propio para esta infraestrutura.
Relacionadas:
-
Pontevedra estrea paisaxe nocturna coa nova iluminación das súas pontes
Por Alejandro Espiño & Cristina Saiz |
-
As pontes de Pontevedra estrearán iluminación para o próximo Nadal
Por Natalia Puga |
-
"Finais de xullo", data definitiva para concluír a reforma da ponte do Burgo
Por Redacción |
-
Unha empresa de Pontevedra renovará un terzo da iluminación de toda Ámsterdam
Por Alejandro Espiño |
-
A Peralba estrea a súa nova iluminación LED
Por Redacción |
-
31 de xullo, data límite para acabar as obras da ponte do Burgo
Por Alejandro Espiño & Mónica Patxot |
-
Rematan as restricións de tráfico en Domingo Fontán
Por Oskar Viéitez |
-
Elsamex acondicionará o parque forestal da Fracha, o máis grande que terá Pontevedra
Por Alejandro Espiño |
-
Luces de cores para a ponte das Correntes e brancas para a dos Tirantes
Por Oskar Viéitez |