O servizo de Farmacia de Montecelo activa un sistema de dispensación de medicación a domicilio
Por Redacción
O Complexo Hospitalario Universitario de Pontevedra conta desde este martes cun sistema de transporte e dispensación de medicacións a domicilio para os pacientes da comarca.
Trátase de trátase dunha medida preventiva ante o coronavirus Covid-19 que se pon en marcha co obxectivo de evitar desprazamentos de determinados pacientes con problemas para achegarse ata o hospital de Montecelo a recoller os fármacos do seu tratamento
Segundo confirmou a área Sanitaria realizarase un envío matinal diario, planificado polo servizo de Farmacia do complexo pontevedrés, distribuíndo loxísticamente os medicamentos a domicilios da comarca, sempre previa consulta telefónica consensuada co servizo.
Por outra banda a farmacia de Montecelo segue dispensando diariamente medicación e habilitou de forma cautelar unha zona reservada para vehículos desde a que se poderán recoller os fármacos sen ter que entrar no interior do centro hospitalario.
A previsión é que esta medida de dispensación poida estenderse proximamente ao Hospital do Salnés para dar cobertura total ao área sanitaria, se ben neste caso a súa implantación está aínda en fase de estudo.
Relacionadas:
-
Pedaladas recorda que a bicicleta "non se prohibiu" e que é válida para os desprazamentos autorizados
Por Redacción |
-
Pontevedra supera os 200 casos activos por coronavirus, nove deles na UCI
Por Alejandro Espiño |
-
A asociación de vivendas turísticas ofrece pisos gratis ao persoal sanitario
Por Redacción |
-
116 novas mamparas axudarán a previr o contaxio do coronavirus
Por Boris Rodríguez Pintos |
-
Primeira alta a un paciente con coronavirus en Pontevedra
Por Natalia Puga | Creada e actualizada
-
A televisión será un servizo gratuíto nos hospitais de Pontevedra
Por Redacción |