A Brilat desprega patrullas dunha punta a outra da cidade
Por Natalia Puga & Diego Torrado
A imaxe de patrullas da Brigada Galicia VII, Brilat, percorrendo a cidade de Pontevedra xa se fixo xa case cotiá desde a activación do estado de alarma para frear o avance do coronavirus. A Brigada despregou varios días por distintos puntos e este mércores, de novo, percorreu rúas dunha esquina a outra do centro urbano.
As unidades estiveron na contorna da Alameda e o centro histórico, unha zona na que xa estiveron varios días, pero tamén tamén se desprazaron cara á zona da Parda e Juan Carlos I e cara á avenida de Vigo, Eduardo Pondal ou as inmediacións das estacións de autobús e tren.
Durante a xornada deste mércores, ademais, patrullas de distintas unidades da Brigada despregáronse en Ourense e nas cidades asturianas de Oviedo e Xixón.
Este despregamento ten o obxectivo de recoñecer as zonas máis conflitivas e infraestruturas críticas en canto a riscos de contaxio e establecer unha ligazón sólida e eficaz con autoridades locais para facilitar os labores de presenza e vixilancia de militares na cidade en caso de incumprimentos das medidas establecidas polo estado de alarma decretado polo Goberno a nivel estatal.
Esta actividade da Brilat realízase no marco da operación Balmis, que coordina o Mando de Operacións, relativa ao despregamento das Forzas Armadas en toda España para loitar contra a pandemia producida polo virus COVID-19. Na cidade e noutras zonas como Vilagarcía ou Poio, ademais destas tarefas de vixilancia tamén realizaron traballos de desinfección de infraestruturas críticas como centros de saúde ou residencias da terceira idade.
Relacionadas:
-
VÍDEO.- Aplausos en Marín para agradecer o traballo do Exército de Terra
Por Redacción & Oskar Viéitez |
-
Limpeza a fondo da Brilat na residencia de maiores de Campolongo para frear o coronavirus
Por Diego Torrado & Natalia Puga |
-
A Brilat desinfecta residencias de maiores de Caldas e Marín para evitar a propagación do coronavirus
Por Natalia Puga |
-
A Escola Naval ten preparadas 50 habitacións para acoller enfermos por coronavirus cando sexa preciso
Por Manu Otero |
-
Voluntarios de Vilagarcía de Arousa prestarán servizos de acompañamento telefónico e servizo a domicilio
Por Boris Rodríguez Pintos |
-
Intensifican a desinfección nas residencias de maiores
Por Oskar Viéitez |
-
Os soldados da Brilat volven patrullar pola Boa Vila
Por Oskar Viéitez |
-
A Brilat desprégase en Marín para recoñecer as zonas de especial risco de contaxio
Por Natalia Puga | Creada e actualizada
-
A Brilat desprégase en "zonas sensibles" de Pontevedra en canto a tránsito de persoas
Por Natalia Puga & Diego Torrado | Creada e actualizada