A Escola Naval ten preparadas 50 habitacións para acoller enfermos por coronavirus cando sexa preciso
Por Manu Otero
Dez días despois do anuncio realizado pola Escola Naval Militar de Marín no que comunicaba a súa participación na Operación Balmis de loita contra a expansión do coronavirus a través da preparación de medio centenar de habitacións para albergar infectados na residencia do centro castrense, os profesionais desta institución manteñen o operativo listo á espera de ser activados polo Ministerio de Defensa en calquera momento.
Desde o departamento de comunicación da Escola explican que teñen acondicionadas cincuenta cuartos individuales con baño para acoller enfermos tan pronto como as autoridades sanitarias o estímen oportuno para desconxestionar os hospitais que nalgunhas cidades do país comezas a estar ao bordo do colapso.
A atención a enfermos non é a única misión para a que están preparados no centro marinense. Tamén teñen listas 112 camas para dar apoio a outras unidades das Forzas Armadas despregadas por distintos puntos da comunidade autónoma para realizar labores de desinfección e vixiar que se cumpren as normas de confinamento que recollen o decreto do estado de alarma.
Polo momento, estas dependencias permanecen baleiras, pero preparadas para entrar en servizo "no momento no que sexa preciso", sinalan desde a Escola.
Para contribuír á contención da pandemia toda a dotación e alumnos do centro atópanse nos seus domicilios particulares. A actividade docente presencial suspendeuse e os alumnos e profesores continúan os cursos de maneira non presencial grazas ás redes informáticas do Ministerio de Defensa e da Universidade de Vigo.
Relacionadas:
-
O BNG critica a negativa de Defensa a ceder o antigo hospital da Escola Naval en caso de necesidade
Por Oskar Viéitez |
-
O Sergas non poderá derivar pacientes ao antigo Hospital Naval de Marín en caso de colapso, pero si ao CGTD
Por Natalia Puga |
-
Un positivo por coronavirus no albergue de Salcedo obriga a unha desinfección urxente da Brilat
Por Natalia Puga & Diego Torrado | Creada e actualizada
-
A Brilat desprega patrullas dunha punta a outra da cidade
Por Natalia Puga & Diego Torrado |
-
A Brilat desprégase en Marín para recoñecer as zonas de especial risco de contaxio
Por Natalia Puga | Creada e actualizada
-
A Escola Naval achega as súas instalacións para loitar contra a pandemia
Por Oskar Viéitez |
-
Despregamento das Forzas Armadas para conter o coronavirus: a Brilat, a Vigo e A Coruña e a UME, a Pontevedra
Por Natalia Puga | Creada e actualizada