Activan un teléfono para a atención psicolóxica das familias durante a crise do coronavirus
Por Redacción
Ofrecer atención psicolóxica e social, acompañamento, información e mediación en conflitos ou problemas que poidan ter as familias pontevedresas durante o estado de alarma. Ese é o obxectivo da nova liña telefónica específica que a Fundación Meniños, coa colaboración do Concello de Pontevedra, acaba de activar na cidade.
Á fronte deste servizo estará un equipo profesional conformado por un psicólogo, unha traballadora social e unha educadora social. Atenderán á cidadanía no número de teléfono 678 75 49 33 de luns a domingo, en horario de 10:00 a 14:00 horas.
Os expertos de Meniños, que tamén colaboran na atención da liña telefónica que o Concello activou para a atención de persoas maiores, pretenden orientar esta asistencia psicolóxica e social a resolver diferentes tipos de conflitos que se poidan agudizar coa actual situación.
Así, abordarán sobre todo discusións froito da convivencia con adolescentes, problemas nas relacións de parella ou o incremento da sensación de illamento de persoas que viven soas.
O psicólogo da fundación, Roberto Antón, explica que a través deste servizo tamén se darán pautas para que as familias con nenos pequenos coñezan os recursos dos que dispoñen para encher o seu tempo libre.
"Os profesionais que traballamos en Meniños somos expertos en terapia familiar, polo que podemos mediar e buscar solucións para as familias que se atopen en situacións de conflitividade", engade este profesional.
A concelleira de Benestar Social, Paloma Castro, considera que, á marxe do "lóxico" incremento das sensacións de estrés e ansiedade polo confinamento, "é imprescindible volcarnos coas familias máis vulnerables e con aquelas nas que existen problemas de convivencia cos fillos ou coas parellas e que corren o risco de verse agravados nesta situación".
Relacionadas:
-
Os psicólogos do Concello de Pontevedra fan un seguimento a 2.000 maiores que viven sós
Por Redacción |
-
Nais con fillos adolescentes, principais usuarias do teléfono municipal de axuda psicolóxica
Por Redacción |
-
Estas son as preguntas máis frecuentes recollidas no 012
Por Redacción |
-
Pontevedra prepara un "plan de choque" para reactivar a economía o "día despois" do coronavirus
Por Alejandro Espiño |
-
Ningún outro residente no albergue de Cáritas en Salcedo ten síntomas de coronavirus
Por Alejandro Espiño |
-
O Concello prioriza o pago a provedores mentres estuda a concesión de axudas para as empresas locais
Por Manu Otero |
-
Pontevedra ofrece aloxamento en hoteis a traballadores públicos que convivan con persoas de risco
Por Redacción |