A área sanitaria multiplica as altas por coronavirus, con 12 nas últimas 24 horas
Por Diego Espiño
O número de altas hospitalarias de pacientes ingresados polo coronavirus COVID-19 disparouse nas últimas horas na área sanitaria de Pontevedra-O Salnés.
Despois de que o sábado non se producise ningunha, segundo os datos oficiais desvelados este domingo 29 de marzo pola Consellería de Sanidade foron 12 os pacientes que recibiron o alta nesta área para un total de 15 desde que comezou a crise sanitaria.
Actualmente permanecen activos en Pontevedra e O Salnés un total de 324 casos (34 máis que o sábado), dos que 107 están ingresados en centros hospitalarios repartidos entre Montecelo, Hospital do Salnés (16) e Hospital QuirónSalud Miguel Domínguez (1). Estas cifras supoñen contar con 14 pacientes máis ingresados que o día anterior.
Si se rexistrou un incremento no número de enfermos na Unidade de Coidados Intensivos (UCI), que pasou a ser de 15 pacientes polos 12 do día anterior, mentres que por último a cifra de falecidos mantense nas 6 persoas.
A Dirección Xeral de Saúde Pública da Consellería de Sanidade informou ademais que, na última actualización, o número de casos de coronavirus en Galicia ascende a 2.925. Deles 639 son da área da Coruña, 244 da de Lugo, 415 da de Ourense, 681 da área de Vigo, 480 da de Santiago, e 142 da de Ferrol.
Do total de pacientes positivos, 122 permanecen en UCI, 707 están en unidades de hospitalización e 2.096 no domicilio. Por agora, en Galicia rexistráronse 153 altas de pacientes e 61 falecementos.
O número de PCR realizadas é de 14.440.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.
O Sergas ten a disposición da cidadanía unha páxina web (https://coronavirus.sergas.es), na que se pode consultar información dirixida á poboación, aos profesionais sanitarios e a outros colectivos.
Relacionadas:
-
Repunte de afectados por coronavirus na área sanitaria, con 32 novos casos activos para un total de 425
Por Diego Espiño |
-
VIDEO.- O hospital Domínguez despide entre aplausos os dous primeiros pacientes con coronavirus de alta
Por Natalia Puga |
-
Os casos activos de coronavirus na área sanitaria ascenden ata os 348
Por Diego Espiño |
-
Trinta novos positivos por coronavirus na área sanitaria, que acumula 290, 93 hospitalizados
Por Natalia Puga |
-
Día complicado na área sanitaria, con 38 novos casos activos por coronavirus nunha xornada
Por Natalia Puga |
-
Un home de 90 anos, sexta vítima mortal do coronavirus na área sanitaria
Por Natalia Puga |
-
Dous falecidos por coronavirus o mesmo día na área sanitaria, que suma cinco vítimas mortais
Por Natalia Puga |
-
A área sanitaria chega aos 222 positivos por coronavirus e rexistra un novo falecemento e un paciente de alta
Por Natalia Puga |