Poio facilitará axuda psicolóxica para adaptarse ao confinamento
Por Redacción
O Concello de Poio, a través da Concellería de Benestar, habilitou un servizo de apoio psicolóxico, vía telefónica, para aquelas persoas do municipio que necesiten esta axuda para soportar o confinamento domiciliario.
Os veciños que o precisen poden chamar á Casa Rosada ao número 986 87 24 01 no que son atendidos pola psicóloga de Servizos Sociais, de luns a venres en horario de 09.00 a 14.00 horas durante a mañá e de 16.00 a 20.00 pola tarde.
A concelleira de Benestar, Rosa Fernández, sinalaba que “sabemos a dificultade que supón superar unha situación como a actual para moita xente, especialmente para aquelas que, por exemplo, teñan problemas psicolóxicos, sentan soas ou teñan ansiedade”.
Benestar segue pendente dos máis de cen maiores inscritos no programa Saudemente, con contactos telefónicos regulares. Chamadas que está previsto que tamén se fagan extensivas a maiores que participaban noutros talleres municipais.
Doutra parte, na última semana máis de cincuenta familias en risco de exclusión recibiron alimentos, algúns con entregas a domicilio e tramitáronse 23 axudas para o pago de alugueres.
Relacionadas:
-
Desde Poio tamén se organizaron costureiras altruístas
Por Redacción |
-
Poio reparte máscaras entre o sector do pequeno comercio do municipio
Por Redacción |
-
Poio solicita á Xunta e ao Goberno central que habiliten liñas de axuda para as confrarías
Por Oskar Viéitez |
-
A canceira de Poio, operativa no estado de alarma pero cun novo sistema de adopción
Por Redacción |
-
Poio suspende pagos tributarios para paliar o impacto económico do coronavirus
Por Redacción |