Pontevedra recibirá 5.000 máscaras e 10.000 guantes da Xunta contra o coronavirus
Por Redacción
Máis de 15.200 unidades de material de protección contra o coronavirus. É o que remitirá a Xunta de Galicia á cidade de Pontevedra esta mesma semana, segundo anunciou este mércores o goberno galego.
En concreto, a Xunta prevé enviar 5.164 máscaras, 10.000 guantes e 82 traxes.
Este reparto forma parte do despregamento que, a través da plataforma loxística habilitada en Galicia, está a facerse entre as sete grandes cidades galegas.
O goberno autonómico comezou este envío tras completar o reparto nos concellos pequenos e medianos, xa que dispoñen de menos recursos.
A cifra de unidades de protección adquiridas directamente pola Xunta e repartidas aos concellos ascenderá a finais esta semana, segundo destaca o executivo galego, a 685.000, en concreto, 472.000 guantes, 185.000 máscaras, 12.000 traxes e 16.000 batas.
Os criterios de reparto están consensuados coa Federación Galega de Municipios e Provincias (FEGAMP) e realízanse en base a criterios obxectivos tendo en conta a poboación, o número de casos positivos, o número de efectivos de Policía, o número de voluntarios de Protección Civil, e o número de horas do servizo de axuda no fogar.
Relacionadas:
-
A Xunta reparte 332.000 máscaras de protección entre as empresas da provincia
Por Redacción |
-
Envían novo material de protección ante o coronavirus a 65 centros sociais de Pontevedra
Por Redacción |
-
Nova achega de material de protección aos traballadores municipais por parte da Xunta
Por Redacción |
-
A Deputación ponse a disposición da Xunta para o reparto de 100.000 máscaras aos concellos
Por Redacción |
-
A Xunta reparte máis de 13.000 máscaras protectoras aos concellos da área de Pontevedra
Por Redacción |
-
Entregan á Xunta máis de 21.000 unidades de protección contra o coronavirus
Por Redacción |