Maratón de contos para celebrar o Día do Libro Infantil e Xuvenil
Por Redacción
O Salón do Libro Infantil e Xuvenil celebra online este xoves 2 de abril o Día Internacional do Libro Infantil e Xuvenil cunha programación especial. O Salón Virtual incrementará así o número de publicacións habituais coa emisión dun maratón de contos con Pavís Pavós, Paula Carballeira, Soledad Felloza e Charo Pita.
Nesta data na que se recorda o día do nacemento do escritor danés Hans Christian Andersen, o Salón Virtual contará tamén coa música de Pablo Díaz e o seu "Concerto en zapatillas", un obradoiro de banda deseñada con Kiko Dasilva e "Fiz, o neno máis porco do mundo" e algunha sorpresa máis que os organizadores difundirán a través do seu Facebook, Instagram e na web: www.salondolibro.gal
Dende a organización do Salón do Libro comunican que, malia que estaba previsto cesar a súa actividade nestas datas, o Salón Virtual continuará activo para achegar o seu apoio ante a presente situación: "a prórroga do Estado de Alarma e as circunstancias actuais replantexaron a decisión e a emisión de contidos estenderase ata que remate esta situación de confinamento".
O repentino peche do Salón do Libro por mor do COVID-19 o pasado xoves 12 de marzo deu paso ao presente Salón Virtual, no que por unha banda axuda a facer máis levadeiros estes días aos nenos e familias e, por outra, permite non cancelar os expedientes de contratación cos profesionais da cultura que tiñan actividades programadas.
Relacionadas:
-
O Salón 'virtual' do Libro pechará a súa edición o Día das Letras Galegas co RockLab
Por Redacción |
-
Escola de Lectura para Familias Curiosas terá sesións todos os venres ata mediados de xuño
Por Redacción |
-
O Salón do Libro celebra o Día da Danza cun espectáculo virtual da compañía Pesdelán
Por Redacción |
-
#ganasdelibrarias, campaña virtual para apoiar aos libreiros de Pontevedra
Por Redacción |
-
Historietas online a través de 'A hora do cómic cultural'
Por Redacción |
-
Torneo de parchís 'en liña' para amenizar o confinamento e, de paso, colaborar con Cruz Vermella
Por Natalia Puga |
-
Queres ver pelis de Chaplin? O Concello recompila unha oferta de formación e entretemento para estes días
Por Redacción |
-
Contos virtuais para entreter os máis pequenos durante a corentena
Por Alejandro Espiño |
-
O coronavirus obriga a suspender o Salón do Libro Infantil e Xuvenil de Pontevedra
Por Alejandro Espiño |