O Multiusos da Xunqueira acollerá a persoas sen fogar
Por Oskar Viéitez
Debido ao aumento da demanda e diante da imposibilidade de realizar novos ingresos no albergue de Raíña da Paz, o Concello de Pontevedra habilitará o Pavillón Multiusos da Xunqueira para que acolla a persoas sen fogar.
Segundo informou este luns a concelleira de Protección Cidadá, Eva Vilaverde, esta instalación ten capacidade para 50 persoas e estará dispoñible a partir deste martes 7 de abril.
No albergue de Cáritas en San Brais non poden entrar novos usuarios xa que desde o pasado 25 de marzo está en corentena despois de que unha das persoas alí acollidas dese positivo en coronavirus.
Neste centro da parroquia de Salcedo atópanse confinadas 23 persoas e o Concello calcula que outras 15 usarán o Pavillón Multiusos.
Eva Vilaverde indicou que o Concello facilitará a todas estas persoas camas, kits sanitarios e de hixiene e dispoñerán de servizo limpeza, vixilancia e de comida.
Ademais prestaráselles asistencia médica, a través os técnicos da Unidade de Condutas Aditivas do Concello, que acudirá ao pavillón tres veces por semana.
Relacionadas:
-
VÍDEO.- Acondicionan o Multiusos da Xunqueira para que funcione coma albergue
Por Oskar Viéitez & Diego Torrado |
-
Ningún outro residente no albergue de Cáritas en Salcedo ten síntomas de coronavirus
Por Alejandro Espiño |
-
Un positivo por coronavirus no albergue de Salcedo obriga a unha desinfección urxente da Brilat
Por Natalia Puga & Diego Torrado | Creada e actualizada