Multan un matrimonio de Ourense que viña "de vacacións" a Poio
Por Oskar Viéitez
A Policía Local de Poio denunciou un matrimonio de Ourense que viña "de vacacións" por Semana Santa.
Segundo informou a Policía Local, os feitos tiveron lugar o pasado sábado no transcurso dun control de tráfico. Os denunciados son unha parella de avanzada idade que ía camiño á súa segunda residencia, situada en Poio.
Ambos ían sentados nos asentos dianteiros polo que a infracción é dobre, por desprazarse de maneira irregular e infrinxir as restricións de movemento decretadas polo Goberno.
Durante estes días os axentes municipais están a despregar un operativo especial no municipio, con presenza destacada nalgúns puntos estratéxicos como a ponte da Barca ou o variante norte que desemboca na Seca e preto de Combarro.
A Policía Local de Poio tamén está a realizar unha maior vixilancia de espazos públicos, praias e parques, lugares que permanecen pechados desde mediados do pasado mes de marzo e reforzouse a presenza policial naqueles núcleos e zonas do municipio onde existen un maior número de segundas vivendas.
Relacionadas:
-
Sorprenden dúas mozas que levaban varios días entrando nunha finca da Puntada para beber alcohol
Por Redacción |
-
Investigan penalmente un pontevedrés por quebrantar reiteradamente as normas de confinamento
Por Oskar Viéitez |
-
A Policía Local de Poio ten identificados 15 veciños reincidentes en incumprir o estado de alarma
Por Natalia Puga |
-
Telmo Martín confía en que ninguén se desprace a Sanxenxo en Semana Santa para facer uso da súa segunda vivenda
Por Redacción |
-
Vixiarán as segundas residencias diante da chegada da Semana Santa
Por Oskar Viéitez |