Moratoria para o cobro dos recibos de auga e lixo, venda ambulante e veladores
Por Redacción
O goberno local de Pontevedra estableceu novas moratorias para os períodos de cobranza de tres recibos máis aos que xa se estableceu esta medida. Trátase das taxas derivadas do recibo da auga, lixo e redes de sumidoiros, as de ocupación de vía pública por mesas e veladores e as da venda ambulante.
O concelleiro de Economía e Facenda, Raimundo González sinala que se aumentan estes prazos para que así a cidadanía dispoña de máis tempo para facer efectivos os seus recibos e tamén naqueles casos nos que a "grave crise" provoque problemas de liquidez ofrézase un prazo de tempo para liquidar os problemas e facer efectivos os recibos.
No caso dos recibos bimestrais das taxas de auga, lixo e redes de sumidoiros que corresponden cos meses de xaneiro e febreiro xa se atopan á cobranza e amplíase un mes o prazo que se outorgou inicialmente. Desta forma finalizará o 11 de xuño. Está previsto que o prazo do segundo bimestre, marzo e abril, increméntese de dous a tres meses, comezando o 11 de maio e finalizando o 11 de agosto.
En relación coa ocupación da vía pública con veladores e mesas, inicialmente está previsto un atraso do prazo de pago en voluntaria dun mes. Desta forma, o período voluntario iniciarase a mediados de xullo e finalizará a mediados de setembro.
En canto aos recibos de venda ambulante do primeiro trimestre deste ano, xa se han descontando as datas que non estiveron instalados os postos, segundo informan desde o Concello. O período de pago en voluntaria amplíase de dúas a catro meses, iniciándose o 15 de maio e finalizando o 15 de setembro.
A estas moratorias súmanse as dos recibos do Imposto de Vehículos de Tracción Mecánica (IVTM) e dos padróns de mercados e de valados. No caso de IVTM comezará o 4 de maio e finalizará o 6 de xullo.
Para os recibos mensuais de mercados e os recibos de valos de marzo e abril amplíase o prazo de dous a catro meses, desde o 25 de marzo ata o 27 de xullo e o de abril, desde o 27 dese mes ata o 27 de agosto. Os de maio ampliaranse un mes comezando o 25 de maio e finalizando o 27 de agosto.
Relacionadas:
-
Pontevedra adiará o pago da auga e a viñeta a aqueles cidadáns que o soliciten
Por María José Pita |
-
O Concello establece a opción de solicitar contrasinal para trámites por vía telefónica
Por Redacción |
-
Pontevedra pechou con case 105 millóns o orzamento municipal de 2019
Por Alejandro Espiño |
-
Rafa Domínguez ve "claramente insuficiente" a moratoria de taxas e pide que se anulen
Por Redacción |
-
O Concello prioriza o pago a provedores mentres estuda a concesión de axudas para as empresas locais
Por Manu Otero |
-
Pontevedra recadou 4,3 millóns pola vía executiva en 2019, a maior cantidade en dez anos
Por Alejandro Espiño |