As lonxas recibirán máscaras para previr contaxios durante as poxas
Por Redacción
Os traballadores das lonxas nas que se vende o peixe capturado pola frota galega recibirán nas próximas horas un lote de 10.000 máscaras por parte da Xunta para mellorar a seguridade e previr o contaxio do coronavirus entre os profesionais que continúan comercializando estes alimentos de calidade e primeira necesidade a pesar do estado de alarma.
A mercadoría foi posta ao dispor do Servizo de Gardacostas de Galicia, quen se ocupará de realizar a entrega nos diferentes establecementos situados nos peiraos da comunidade.
As máscaras serán entregadas naquelas lonxas que se manteñen activas en función do seu volume de actividade. Na provincia de Pontevedra, recibirán estes elementos as rulas de Portonovo, Cambados, O Grove, A Illa de Arousa, Bueu, Cangas, Vilanova de Arousa, A Guarda, Redondela, Campelo, Moaña, Carril e a Cooperativa Ría de Arousa.
Doutra banda, a Xunta reitera as excepcionais medidas de precaución que se deben aplicar nestes lugares para previr contaxios. Reducir as actividades presenciais, fomentar o teletraballo e prohibir a entrada de persoas alleas ao operativo do comercio do peixe son algunhas das medidas adoptadas polo executivo que preside Alberto Núñez Feijoo.
Relacionadas:
-
O Grove destinará case 30.000 euros a obras de mellora no mercado municipal
Por Redacción |
-
A lonxa de Bueu xa conta co seu novo sistema de evacuación de augas sucias
Por Redacción |
-
A Festa da Raia reinvéntase nas súas vodas de prata a través das redes sociais
Por Redacción |
-
Consome produtos do mar para garantir emprego e riqueza galega: #QuedaCoNosoMar
Por Redacción |
-
Baldeo con lixivia das lonxas de Portonovo e Campelo
Por Oskar Viéitez |
-
Intensa actividade no Porto de Marín para garantir as subministracións básicas
Por Redacción |
-
Inspectores de pesca reclaman non ser servizos esenciais durante o estado de alarma
Por Redacción |
-
O sector do mar, en xaque polo coronavirus: "Os prezos son horribles. É unha barbaridade"
Por Alejandro Espiño |