Recollidos 23 cans das rúas durante o estado de alarma
Por Oskar Viéitez
Desde que o Goberno decretou o Estado de Alarma o pasado 14 de marzo o Centro de acollida e protección de animais (CAAN) da Deputación de Pontevedra CAAN leva recollidos 23 cans abandonados.
Estas recollidas se enmarcan nos supostos de atención necesaria: casos con animais feridos, potencialmente perigosos, animais mantidos en instalacións municipais non habilitadas para o seu coidado, animais libres que poidan causar accidentes ou lesións e actuacións de emerxencia requiridas polo poder xudicial e os corpos e forzas de seguridade.
En cinco casos os cans recollidos puideron ser devoltos aos seus propietarios. Neste senso, desde a institución provincial prégase aos propietarios que estes días estremen as precaucións ao saír a pasear coas súas mascotas, a fin de evitar o extravío dos animais e as consecuentes situacións de risco para eles e para as persoas.
O CAAN segue pechado ao público e ten as adopcións suspendidas.
Doutra banda, dentro das medidas adoptadas co Estado de Alarma, no centro da Armenteira reduciuse a presenza física ao mínimo persoal necesario, que traballa coas medidas hixiénicas, de protección e distancias de seguridade en quendas diferenciadas por actividades. Así mesmo, establecéronse servizos indispensables para a limpeza das instalacións e a alimentación e atención veterinaria permanente dos animais.
Relacionadas:
-
A Deputación inaugura as remocicadas instalacións da CAAN cos mellores datos de adopcións ata a data
Por Redacción |
-
29 cans adoptados na primeira semana de reapertura do CAAN
Por Redacción |
-
O Centro de Acollida de Animais da Deputación volve tramitar adopcións de cans
Por Redacción |
-
Propoñen ‘pre-adopcións’ por internet para axilizar a actividade do Centro de Acollida de Animais da Deputación
Por Redacción |
-
Reclaman á Deputación axudas para protectoras e clínicas veterinarias
Por Redacción |
-
O próximo maio poderase coñecer un estudo sobre o impacto do COVID19 no turismo da provincia
Por Redacción |
-
O centro provincial de acollida de cans restrinxe a súa actividade polo coronavirus
Por Redacción |
-
As protectoras de animais paralizan as adopcións durante o Estado de Alarma
Por Sara Iglesias |