Os hostaleiros queren unha videoreunión co Concello para solicitarlle apoio ante os efectos da crise sanitaria
Por Redacción
A Federación de Hostalería de Pontevedra, xunto coa Asociación de Hoteis de Pontevedra (AHP) e Hostaleiros Empresarios de Pontevedra (HOEMPO), solicitou de maneira conxunta unha videoreunión ao Concello de Pontevedra.
O obxectivo do encontro é solicitar o apoio da administración local ante os efectos negativos da crise sanitaria do Covid-19.
O sector hostaleiro, do que segundo aseguran dependen máis de 700 familias na cidade, pensa demandar unha serie de apoios, empezando pola suspensión de taxas e tributos locais como o imposto derivado da colocación de terrazas, a recollida de lixo industrial, o Imposto de Bens Inmobles (IBI) ou o canon da auga.
Ademais pedirán ao goberno pontevedrés medidas de acompañamento en forma de incentivos ou subvencións directas co obxectivo de poder dispoñer de liquidez á hora de reiniciar a súa actividade.
Relacionadas:
-
Os hostaleiros de Pontevedra piden ao alcalde a supresión de taxas e asumen que o día 11 non poderán abrir
Por Manu Otero |
-
‘Hostalería segura’, o distintivo que acreditará os locais que cumpran coas medidas de seguridade fronte ao Covid-19
Por Redacción |
-
"De momento, decisión ningunha, nós a esperar" di a empresa sobre a suspensión da feira taurina
Por Marisa Ciordia |
-
A hostalería pontevedresa reclama máis medidas económicas para minimizar o impacto da crise
Por Oskar Viéitez |