A 67 edición do concurso de maios e embarcacións de Marín realizarase de maneira online
Por Redacción
A convocatoria para a celebración da 67 edición do concurso de maios e embarcacións, organizada polo Ateneo Santa Cecilia de Marín, segue en pé.
Nesta ocasión, e debido ás actuais circunstancias de confinamento pola alerta sanitaria ante o COVID-19, non é posible celebrar o concurso tradicional en rúas e prazas onde nenos e nenas acoden cos maios e as embarcacións, interpretando as súas coplas para que o xurado os valores e puntúe.
É por iso, que mantendo a tradición que leva celebrando en Marín desde o ano 1953, a asociación organizadora mantén en pé a convocatoria para o día 1 de maio coas seguintes bases:
- Poden participar todos os nenos e nenas que queiran, ben de maneira individual ou con familiares que convivan na mesma casa, ata os 12 anos de idade inclusive.
- A participación pode ser mediante debuxos ou pinturas dos maios tradicionais de Marín, coa forma cónica, a coroa e toda a súa ornamentación, ou ben o debuxo dunha embarcación.
- Terán que compoñer unha copla orixinal en galego, do tipo tradicional que non excesa as seis estrofas.
- Establécense dúas categorías por idade para a participación en debuxos de maios e embarcacións, con tres premios en metálico e diploma en cada categoría (Categoría A: ata os 8 anos. Categoría B: de 9 a 12 anos).
- Haberá tres premios e diploma para os gañadores das coplas dos maios e tres premios para os gañadores das coplas das embarcacións.
- Todos os participantes recibirán un diploma de participación. Por iso, deberán enviar por correo o nome completo e idade e unha autorización asinada polos proxenitores, permitindo a difusión e exposición por parte do Ateneo dos debuxos e coplas gañadoras.
- Todos os traballos serán valorados por un xurado composto por membros da directiva do Ateneo Santa Cecilia e do Concello de Marín.
- Os debuxos e as coplas enviaranse ao correo ateneosmarin@hotmail.com antes das 24 horas do 30 de abril.
- O xurado non valorará os traballos que non cumpran as bases do concurso.
- Os resultados faranse públicos e comunicaranse aos gañadores en canto o xurado emita o seu veredicto.
En canto á entrega dos premios e diplomas, a organización do concurso informará a todos os participantes e farase nun acto público no local do Ateneo Santa Cecilia en canto a situación de alerta sanitaria termine.
Relacionadas:
-
O Museo Torres acollerá a mostra de 'maios' da artista Cristina Barreiro
Por Redacción |
-
Debuxar o que ves desde a xanela prémiase cunha experiencia familiar pola provincia
Por Redacción |
-
Poio non renuncia a quedar sen a súa Festa dos Maios e leva a celebración ás redes sociais
Por Redacción |
-
O Concello de Marín colabora cos centros educativos para proporcionar material e ferramentas aos alumnos
Por Redacción |
-
VÍDEO.- O Juan Sebastián Elcano suca a ría madrugador e solitario
Por Diego Torrado & Redacción | Creada e actualizada
-
VÍDEO.- Chega a Marín o buque Elcano despois de celebrar a única procesión de toda España
Por Oskar Viéitez & Diego Torrado |
-
O colexio Froebel gaña o premio especial do concurso de maios
Por Oskar Viéitez & Diego Torrado |