Achégate á xanela que o Green Campus axuda a identificar os paxaros que vexas
Por Redacción
'Canto paxariño' é o nome da iniciativa coa que a Universidade de Vigo convida á cidadanía, durante o confinamento, a identificar ás pequenas aves que se poden observar desde xanelas e balcóns. A proposta foi impulsada polo programa Green Campus e a Oficina de Medio Ambiente da Universidade a través das redes sociais.
Cada semana vanse subindo dúas ou tres imaxes de paxaros cuxo avistamento resulte fácil ou relativamente frecuente, que se acompaña dun texto divulgativo sobre a especie, hábitat e as súas ameazas. O director do Campus Crea e de Green Campus, Carlos Souto, convida a participar nesta proposta que é "unha pequena actividade que cando menos, achega un pouco de alegría" e quere espertar o interese pola natureza "que neste parón é un dos mellores agasallos que temos".
A idea xurdiu da bolseira da Oficina de Medio Ambiente, Nerea Mallo, quen se encarga da redacción das fichas que acompañan a cada unha das imaxes destas aves. Ata o momento difundiuse o Pinzón vulbar ( Fringilla coelebs) e un Ferreiriño azul ( Cyanistes caeruleus).
A modo de recomendación para quen se anime a participar nestes avistamentos desde as súas vivendas, as mellores horas para velos son as primeiras horas da mañá e a última hora da tarde.
Relacionadas:
-
O campus universitario abre a guerra contra o tabaco alertando dos efectos na saúde e no medio ambiente
Por Redacción |
-
Unha horta ecolóxica e a instalación dunha rede de biomasa, proxectos estrela do Green Campus pontevedrés
Por Redacción |
-
RADIO.- A playlist de P.A.García: un cubo de Rubik de libros, música, aves, ciencia ficción, podcast e disfraces
Por Mónica Patxot & Marisa Ciordia |
-
Estudantes de Comunicación converten as súas casas en escenarios para gravación de curtas
Por Redacción |
-
O Museo invita á rapazada a personalizar as pezas da mostra "Debuxantas"
Por Redacción |
-
Estudantes de Publicidade e RRPP da Uvigo combaterán as noticias falsas con vídeos divulgativos
Por Redacción |
-
A Universidade de Vigo lanza un itinerario formativo virtual en xénero
Por Oskar Viéitez |