3.500 máscaras para o persoal e voluntarios de Cruz Vermella en Pontevedra
Por Redacción
A Subdelegación do Goberno en Pontevedra está a levar a cabo a entrega dunha serie de lotes de máscaras a entidades sociais e asistenciais da provincia.
Nesa repartición destaca o material entregado este sábado á asemblea provincial de Cruz Vermella en Pontevedra, ao que se lle dotou de 3.500 máscaras para o uso dos seus traballadores e dos voluntarios que realizan traballos asistenciais e necesitan realizar desprazamentos para manter o seu labor.
Por outra banda segundo sinalou a subdelegada do Goberno, Maica Larriba, séguense a distribuír estas máscaras entre as diferentes residencias de persoas maiores. En concreto cedéronse un total de 8.000 unidades para os seus traballadores.
Con estas entregas complétase a segunda fase do protocolo de subministración de material individual para o mantemento dos protocolos hixiénicos recomendados en traballadores ante a pandemia de Covid-19.
Relacionadas:
-
A empresa Idades entrega unha tonelada de alimentos á Cruz Vermella de Pontevedra
Por Redacción & Mónica Patxot |
-
60 novas prazas de teleasistencia en Vilagarcía para atender situacións derivadas da crise sanitaria
Por Redacción |
-
Máis de 200 persoas apuntáronse como voluntarias da Cruz Vermella na provincia para axudar as persoas máis desfavorecidas
Por Anxo Lourido |
-
Continúa a repartición de máscaras de protección entre persoal reincorporado a súa actividade laboral
Por Redacción |
-
Entregan á Xunta máis de 21.000 unidades de protección contra o coronavirus
Por Redacción |