O polígono comercial do Vao segue pendente da burocracia despois de 18 anos de trámites
Por Oskar Viéitez
Creada e actualizada
Creada e actualizada
O proxecto do polígono comercial do Vao, promovido pola inmobiliaria Ponteno, ven de obter autorización de Augas de Galicia. A complicada tramitación desta iniciativa empresarial iniciouse no ano 2002 e parece non chegar nunca ao seu fin.
Entre outras razóns, este polígono de uso mixto comercial, aínda que está contemplado no Plan Xeral de Pontevedra desde o ano 1989, está afectado pola autoestrada e pola estrada de Vilagarcía.
Segundo informa o Diario de Pontevedra na súa edición deste domingo, o informe sectorial de Augas de Galicia fora solicitado o pasado mes de agosto, cinco meses despois de que o proxecto tivese luz verde por parte do Concello.
Concretamente a promotora Ponteno pedía a este organismo autónomo adscrito á Consellería de Infraestruturas, que lle dese permiso para entubar un pequeno regato que atravesa a parcela, pero Augas de Galicia obriga a deixar o leito ao aire libre e só permite cubrir o treito que une o polígono coa estrada de Vilagarcía.
Augas de Galicia tamén sinala que neste ámbito de actuación non existen zonas protexidas nin tampouco zonas inundables que deban ser tidas en conta. O abastecemento e o saneamento do polígono son aspectos que tampouco supoñen un problema debido a que están canalizados á rede municipal.
O pasado 27 de febreiro a Consellería de Cultura xa emitiu o seu informe no que autorizaba o proxecto de control arqueolóxico que fora solicitado tres meses antes.
Agora é o Concello de Pontevedra o que debe aprobar definitivamente o Proxecto de Urbanización.
Probablemente, Ponteno terá que solicitar á Xunta unha prórroga da autorización para urbanizar que foi concedida no 2018 e ten unha vixencia de dous anos.
Entre as empresas que estarían interesadas en instalarse figuran a multinacional JYSK dedicada aos mobles e ao enxoval, a firma de roupa e material deportivo Decathlon, Norauto e Leroy Merlin no ámbito da automoción e a bricolaxe, respectivamente, McDonald's e Vegalsa-Eroski do sector da alimentación, e Tiendanimal.
Relacionadas:
-
Concedida a licenza da última nave do Vao onde se instalarán Decathlon, Kiwoko, JYSK, Leroy Merlín e Eroski
Por Redacción |
-
Prevén que a ampliación do polígono do Vao estea urbanizada no segundo semestre de 2022
Por Alejandro Espiño |
-
Retoman a tramitación do polígono do Vao tras ano e medio parado por un informe
Por Redacción |
-
A xustiza rexeita o recurso de Bricoking contra a ampliación do polígono do Vao
Por Alejandro Espiño |
-
Tres empresarios inician a tramitación para ampliar o polígono do Vao
Por Diego Espiño |
-
O polígono do Vao, pendente da entrega de documentación dos promotores ao Concello
Por Natalia Puga |
-
A Xunta autoriza a construción do polígono comercial do Vao
Por Redacción |
-
Decretan o "interese público" do polígono da Granxa do Vao para salvar as trabas da Xunta ao proxecto
Por Alejandro Espiño & Mónica Patxot |
-
Urbanismo tramita o polígono Granxa do Vao confiando que a Xunta admita unha excepción na lei de Costas
Por Oskar Viéitez |