Un condutor dáse á fuga e deixa o seu coche abandonado no peirao de Covelo con marihuana dentro
Por Redacción
Un control conxunto da Policía Local de Poio e a Garda Civil de Tráfico de Pontevedra destapou este domingo a acción dun condutor que circulaba nun coche con cogollos de marihuana.
Segundo a información difundida pola Policía Local de Poio, estaban a realizar o control conxunto na tarde deste domingo cando un condutor se deu a fuga nunha condución manifestamente temeraria. Os axentes seguírono e finalmente chegaron ata o vehículo, pero o condutor xa non estaba.
O coche quedou abandonado no peirao de Covelo e os axentes localizaron no interior cogollos de marihuana. A droga foi intervida e procedeuse a retirar o vehículo para o deposito municipal de Poio.
A Policía Local de Poio segue intensificando os controis e inspeccións para evitar desprazamentos prohibidos polo estado de alarma dictado para frear o avance do coronavirus e solicita a toda a veciñanza o cumprimento da normativa.
Os controis céntranse en todo o municipio, tanto nas zonas urbanas como nas rurais. Desde a Policía Local lembran que é preciso continuar coas medidas de confinamento, "para non baixar a garda e evitar a expansión" do Covid-19.
Relacionadas:
-
Sorprenden dous homes en Vilanova de Arousa en plena transacción de droga
Por Redacción |
-
Un mozo de 26 anos, detido en Marín por circular drogado, sen carné e con cocaína e heroína no coche
Por Redacción |
-
Poio reforza a súa Policía Local coa incorporación de dous novos auxiliares
Por Redacción |
-
A Policía Local de Poio sancionou a 44 persoas que tentaron saltarse o confinamento durante a Semana Santa
Por Redacción |