Ponte Caldelas seguirá dotando de máscaras lavables á súa poboación
Por Redacción
O Concello de Ponte Caldelas agarda recibir un novo pedido de máscaras lavables para comezar outra repartición entre a súa poboación. Do mesmo xeito que se fixo na ocasión anterior, este material de protección repartirase porta a porta nas vivendas da zona urbana da localidade, así como nos 33 lugares do municipio.
Andrés Díaz, alcalde caldelano, sinala que "a protección dos veciños é unha prioridade, por iso encargamos unha nova remesa de máscaras e faremos unha segunda repartición". A primeira dotación de preto de seis mil máscaras, estaban confeccionadas con dobre tea TNT, con filtro interior. Isto fainas repelentes a fluídos, bacterias, son hipoalerxénicas e poden lavarse con auga quente e xabón.
Todo este material de protección na súa maioría é confeccionado de forma altruísta por costureras de Ponte Caldelas co material que entrega o Concello.
Doutro lado, desde a administración local apúntase que se durante a primeira repartición houbese quen non recibiu a súa máscara pode poñerse en contacto co Concello, ben a través das redes sociais ou no número de teléfono 986 75 00 13 extensión 2, de luns a venres en horario de 09 a 14 horas.
Relacionadas:
-
20.000 friameiras para poñer en marcha a campaña ‘DegustaNaCasa’ en Ponte Caldelas
Por Redacción |
-
Escolares de Ponte Caldelas recibiron xa medio cento de tarefas a domicilio
Por Redacción |
-
Ponte Caldelas paga 13.600 euros a autónomos e pemes coas súas axudas directas
Por Redacción |
-
Comeza a repartición de máscaras porta a porta en Ponte Caldelas
Por Redacción |